Page Text
________________
[१२४] दोस् कप्पेस् देवा कायपरियारगा पण्णत्ता तं जहा- सोहम्मे चेव ईसाणे चेव, दोस् कप्पेसु देवा फासपरियारगा पण्णत्ता तं जहा- सणंकुमारे चेव माहिंदे चेव, दोसु कप्पेसु देवा रूवपरियारगा पण्णत्ता तं जहा- बंभलोगे चेव लंतगे चेव, दोस् कप्पेस् देवा सद्दपरियारगा पण्णत्ता तं जहा- महासुक्के चेव सहस्सारे चेव, दो इंदा मणपरियारगा पण्णत्ता तं जहा- पाणए चेव अच्चए चेव ।
[१२५] जीवा णं दुट्ठाणणिव्वत्तिए पोग्गले पावकम्मत्ताए चिणिंसु वा चिणंति वा चिणिस्संति वा तं जहा- तसकायणिव्वत्तिए चेव थावरकायणिव्वत्तिए चेव, एवं उवचिणिंसु वा उवचिणंति वा उवचि-णिस्संति वा, बंधिसु वा बंधेति वा बंधिस्संति वा, उदीरिंसु वा उदीरेंति वा उदीरिस्संति वा, वेटेंसु वा वेदेति वा वेदिस्संति वा, निज्जरिंस वा निज्जरेंति वा निज्जरिस्संति वा ।
[१२६] दुपएसिया खंधा अनंता पण्णत्ता, दुपदेसोगाढा पोग्गला अनंता पण्णत्ता, एवं जाव दुगुणलक्खा पोग्गला अनंता पण्णत्ता |
• बीए ठाणे चउत्थो उद्देसो समत्तो .
0 बीअं ठाणं समत्तं ० मुनि दीपरत्नसागरेण संशोधितः सम्पादित्तश्च बीअं ठाणं समत्तं .
[] तइयं-ठाणं ।
0 पढमो-उद्देसो 0 [१२७] तओ इंदा पण्णत्ता तं जहा- नामिंदे ठवणिंदे दव्विंदे, तओ इंदा पण्णत्ता तं जहाठाणं-३, उद्देसो-१
नाणिंदे दंसणिंदे चरित्तिंदे, तओ इंदा पण्णत्ता तं जहा- देविंदे असुरिंदे मणुस्सिंदे ।
[१२८] तिविहा विकव्वणा पण्णत्ता तं जहा- बाहिरए पोग्गलए परियादित्ता एगा विकव्वणा बाहिरए पोग्गले अपरियादित्ता एगा विकव्वणा बाहिरए पोग्गले परियादित्तावि अपरियादित्तावि एगा विकव्वणा,
तिविहा विकव्वणा पण्णत्ता तं जहा- अब्भंतरए पोग्गले परियादित्ता एगा विकव्वणा अब्भंतरए पोग्गले अपरियादित्ता विएगा विकव्वणा अब्भंतरए पोग्गले परियादित्तावि अपरियादित्तावि एगा विकुव्वणा,
तिविहा विकव्वणा प० तं० जहा-बाहिरब्भंतरए पोग्गले परियादित्ता एगा विकव्वणा बाहिरब्भंतरए पोग्गले अपरियादित्ता एगा विकव्वणा बाहिरब्भंतरए पोग्गले परियादित्तावि अपरियादित्तावि एगा विकव्वणा ।
___ [१२९] तिविहा नेरइया पण्णत्ता तं जहा- कतिसंचित्ता अकतिसंचिता अवत्तव्वगसंचिता, एवमेगिंदियवज्जा जाव वेमाणिया ।
[१३०] तिविहा परियारणा पण्णत्ता तं जहा- एगे देवे अण्णे देवे अण्णेसिं देवाणं देवीओ य अभिजंजिय-अभिजंजिय परियारेति अप्पणिज्जिआओ देवीओ अभिजंजिय अभिजंजिय परियारेति अप्पाणमेव अप्पणा विउव्विय-विउव्विय परियारेति, एगे देवे नो अण्णे देवे नो अण्णेसिं देवाणं देवीओ अभिमुंजिय-अभिमुंजिय परियारेति अत्तणिज्जिताओ देवीओ अभिमुंजिय-अभिजुजंजिय परियारेति अप्पाणमेव अप्पणा विउव्विय-विउव्विय परियारेति, एगे देवे नो अण्णे देवे नो अण्णेसिं देवाणं देवीओ
[मुनि दीपरत्नसागर संशोधित:]
[22]
[३-ठाण]
| SR No. | 003705 |
| Book Title | Agam 03 Thanam Taiam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 141 |
| Language | Prakrit |
| Classification | Book_Devnagari, Agam, Canon, Agam 03, & agam_sthanang |
| File Size | 2 MB |