Agam 03 Thanam Taiam Angsuttam Mulam PDF File

SR No.: 003705
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 141
Language: Prakrit
Classification: Book_Devnagari, Agam, Canon, Agam 03, & agam_sthanang
File Size: 2 MB

Page 128

से जहाणामए अज्जो! मए समणोवासगाणं पंचाणुव्वतिए सत्तसिक्खावति दुवालसविधे सावगधम्मे पन्नत्ते एवामेव महापउमेवि अरहा समणोवागाणं पंचाणुव्वतियं जाव सावगधम्मं पण्णवेस्सति ।
से जहाणामए अज्जो ! मए समणाणं निग्गंथाणं सेज्जातरपिंडेति वा रायपिंडेति वा पडिसिद्धे एवामेव महापउमेवि अरहा समणाणं निग्गंथाणं सेज्जातरपिंडं० वा पडिसेहिस्सति ।
से जहाणामए अज्जो! मम नव गणा एगारस गणधरा एवामेव अहापउमस्सवि अरहतो नव गणा एगारस गणधरा भविस्संति ।
से जहाणामए अज्जो अहं तीसं वासाई अगारवासमज्झे वसित्ता मुंडे भविता अगाराओ अणगारिय पव्वइए दुवालस संवच्छराई तेरस पक्खा छउमत्थपरियागं पाठणित्ता तेरसहिं पक्खेहिं ऊणगाई तीसं वासाइं केवलिपरियागं पाठणित्ता बायालीसं वासाइं सामण्णपरियागं पाउणित्ता बावत्तरि वासाइं सव्वाउयं पालइत्ता सिज्झिस्सं जाव सव्वदुक्खाणमंतं करेस्सं एवामेव महापउमेवि अरहा तीसं वासाइं अगारवासमज्झे वसित्ता जाव पव्वाहिती दुवालस संवच्छराई जाव बात्तरिवासाइं सव्वाउयं पालइत्ता सिज्झिहिती जाव सव्वदुक्खाणमंतं काहिती- ।
[८७६]
जस्सील - समायारो अरहा तित्थंकरो महावीरो । तस्सील - समायारो होति उ अरहा महापउमो || [८७७] नव नक्खता चंदस्स पच्छंभागा पन्नत्ता (तं जहा)[८७८]
अभिई समणो घणिट्ठा रेवति अस्सिणि मग्गसिर पूसो । हत्थो चित्ता य तहा पच्छंभागा नव हवंति ||
ठाणं - १०
[८७९] आणत-पाणत-आरणच्चुतेसु कप्पेसु विमाणा नव जोयणसयाई उड्ढं उच्चत्तेणं
[८८०] विमलवाहणे णं कुलकरे नव घणुसताई उड्ढं उच्चत्तेणं हुत्था ।
[८८१] उसभेणं अरहा कोसलिएणं इमीसे ओसप्पिणीए नवहिं सागरोवमकोडाकोडीहिं वीइक्कंताहिं तित्थे पवत्तिते ।
[८८२] घणदंत-लट्ठदंत-गूढदंत - सुद्धदंतदीवा णं दीवा नव-नव जोयणसताइं आयाम - विक्
पन्नत्ता ।
पन्नत्ता ।
[८८३] सुक्कस्स णं महागहस्स नव वीहीओ पण्णओ तं जहा- हयवीही गयवीही नाग-वीही वसहवीही गोवीही उरगवीही अयवीही मियवीही वेसाणरवीही ।
[८८४] नवविधे नोकसायवेजणिज्जे कम्मे पन्नत्ता तं जहा- इत्थिवेए पुरिसवेए नपुंसकवेए हासे रती अरती भये सोगे दुगुंछा ।
[८८५] चउरिंदियाणं नवजाइ-कुलकोडि-जोणिपमुह-सयसहस्सा पन्नत्ता, भुयगपरिसप्प थलयर-पंचिदिय तिरिक्खजोणियाणं नवजाइ-कुलकोडि-जोणिपमुह-सयसहस्सा प० ।
[८८६] जीवा णं नवट्ठाणनिव्वत्तिते पोग्गले पावकम्मत्ताए चिणिसु वा चिति वा चिणिस्संति वा तं जहा- पुढविकाइयनिव्वत्तिते जाव पंचिंदियनिव्वत्तिते, एवं चिण उवचिण जाव तह निज्जरा चेव ।
[मुनि दीपरत्नसागर संशोधितः ]
[127]
[३-ठाणं]