________________
[६३५] पुण्णं रत्तं च अलंकियं च वत्तं तहा अविधुढे ।
मधुरं समं सुललियं अट्ठ गुणा होति गेयस्स ।। [६३६] उर-कंठ-सिर-पसत्थं च गिज्जते मध्य-रिभिअ-पदबद्धं ।
समतालपदुक्खेवं सत्तसरसीहरं गेयं ॥
ठाणं-७
[६३७] निद्दोसं सारवंतं च हेउजुत्तमलंकियं ।
उवणीतं सोवयारं च मितं मधुरमेव य ।। [६३८] सममद्धसमं चेव सव्वत्थ विसमं च जं ।
तिणि वित्तप्पयाराइं चउत्थं नोपलब्भती ॥ [६३९) सक्कता पागता चेव दोण्णि य भणिति आहिया ।
सरमंडलंमि गिज्जंते पसत्था इसिभासिता ।। [६४०] केसी गायति मधुरं केसि गायति खरं च रूक्खं च ।
केसी गायति चउरं केसि विलंब दत्तं केसी ।। [६४१] विस्सरं पण केरिसी? सामा गायइ मधुरं काली गयइ खरं च ।
रूक्खं च गोरी गायि चउरं काण विलंबं दुतं अंधा ।। [६४२ विस्सरं पुण पिंगला तंतिसमं तालसमं पादसमं लयसमं गहसमं च |
नीससिऊससियसमं संचारसमा सरा सत्त ।। [६४३] सत्त सरा तओ गामा मुच्छणा एकविंसती ।
ताणा एगूणपन्नासा समत्तं सरमंडलं ॥ [६४४] सत्तविधे कायकिलेसे पण्णत्ते तं जहा- ठाणातिए उक्कुड्यासणिए पडिमठाई वीरसणिए नेसज्जिए दंडायतिए लगंडसाई ।
[६४५] जंबुद्दीवे दीवे सत्त वासा पन्नत्ता तं जहा- भरहे एरवते हेमवते हेरम्णवते हरिवासे रम्मगवासे महाविदेहे ।
जंबुद्दीवे दीवे सत्त वासहरपव्वता पन्नत्ता तं जहा- चुल्लहिमवंते महाहिमवंते निसढे नीलवंते रूप्पी सिहरी मंदरे ।
जंबुद्दीवे दीवे सत्त महानदीओ पुरत्थाभिमुहीओ लवणसमुदं समप्पंति तं जहा- गंगा रोहिता हरी सीता नरकंता सुवण्णकूला रत्ता, जंबुद्दीवे दीवे सत्त महानदीओ पच्चत्थाभिमुहीओ लवणसमुई समति तं जहा- सिंधू रोहितंसा हरिकंता सीतोदा नारिकता रूप्पकूला रत्तावती
घायइसंडदीवपुरत्थिमद्धे णं सत्त वासा पन्नत्ता तं जहा- भरहे जाव महाविदहे | घायइसंडदीवपुरत्थिमद्धे णं सत्त वासहरपव्वता पन्नत्ता तं जहा- चुल्लहिमवंते जाव मंदरे
घायइसंडदीवपुरत्थिमद्धे णं सत्त महानदीओ पुरत्थाभिमुहीओ कालोयसमुई समप्पेंति तं जहा- गंगा जाव रत्ता धायइसंडदीवपत्थिमद्धे णं सत्त महानदीओ पच्चत्थाभिमुहीओ लवणसमुई समप्पेंति तं जहा- सिंधू जाव रत्तवती,
[मुनि दीपरत्नसागर संशोधित:]
[103]
[३-ठाण]
