________________
[६१७] रिसभेण उ एसज्जं, सेणावच्चं धणाणि य ।
वत्थगंधमलंकार, इत्थिओ सयणाणि य ।। [६१८] गंधारे गीतजुत्तिण्णा वज्जवित्ती कलाहिया ।
भवंति कइणो पण्णा जे अण्णे सत्यापारगा ।।
ठाणं-७
[६१९] मज्झिमसरसंपण्णा भवंति सहजीविणो ।
खायती पियती देती मज्झिमसरमस्सितो ।। [६२०] पंचमसरसंपण्णा भवंति पढवीपती
सूरा संगहकत्तारो अणेगगणनायगा । [६२१] रेवतसरसंपण्णा भवंति कलहप्पिया ।
साउणिया वग्गरिया सोयरिया मच्छबंधा य ।। [६२२] चंडाला मुट्ठिया सेया जे अण्णे पावकम्मिणो ।
गोधातगा य जे चोरा नेसाय सरमस्सिता ।। [६२३] एतेसि णं सत्तण्हं सराणं तओ गामा पन्नत्ता तं जहा- सज्जगामे मज्झिमगामे, गंधारगामे सज्जागामस्स णं सत्त मुच्छणाओ पन्नत्ताओ तं जहा- |
[६२४] मंगी कोरव्वीया हरी य रयणी य सारकंता य ।
छट्ठी य सारसी नाम सुद्ध-सज्जा य सत्तमा ।। [६२५] मज्झिमगामस्स णं सत्त मुच्छणाओ पन्नत्ताओ तं जहा- | [६२६] उत्तरमंदा रयणी उत्तरा उत्तरायता ।
अस्सोकंता य सोवीरा अभिरू हवति सत्तमा ।। [६२७] गंधारगामस्स णं सत्त मच्छणाओ पन्नत्ताओ तं०- | [६२८] नंदी य खुद्दिमा पूरिमा य चउत्थी य सुद्धगंधारा ।
उत्तरगंधारावि य पंचमिया हवति मुच्छा उ ।। [६२९] सुट्ठत्तरमायामा सा छट्ठी नियमसो उ नायव्वा ।
अह उत्तरायता कोडिमा य सा सत्तमी मच्छा ।। [६३०] सत्त सरा कतो संभवंति गीतस्स का भवति जोणी ।
कतिसमया उस्साया कति वा गीतस्स आगारा ।। [६३१] सत्त सरा नाभीतो भवंति गीतं च रूण्णजाणीयं ।
पदसमया ऊसासा तिणि य गोयस्स आगारा ।। [६३२] आइमिठ आरभंता सम्व्वहंता य मज्झगारंमि ।
अवसाणे य झवेंता तिण्णि य गेयस्स आगारा ।। [६३३] छद्दोसे अवगुणे तिण्णि य वित्ताइं दो य भणितीओ ।
जो नाहिति-सो गाहिइ सुसिक्खिओ रंगमज्झम्मि ।। [६३४] भीतं दूतं रहस्सं गायंतो मा य गाहि उत्तालं ।
काकस्सरमणुणासं च होति गेयस्स छद्दोसा ।।
[मुनि दीपरत्नसागर संशोधित:]
[102]
[३-ठाण]
