Page Text
________________
विप्पमच्चमाणा थावरकायंसि उववज्जति, थावरकायाओ विप्पमच्चमाणा तसकायंसि उववज्जंति, तेसिं च णं तसकायंसि उववन्नाणं ठाणमेयं अधत्तं ।
[८००] सवायं उदए पेढालपुत्ते भगवं गोयमं एवं वयासी- कयरे खलुते आउसंतो गोयमा! तब्भे वयह तसा पाणा तसा आउ अन्नहा ?, सवायं भगवं गोयमे उदयं पेढालपत्तं एवं वयासी- आउसंतो उदगा जे तुब्भे वयह तसभूया पाणा तसा ते वयं वदामो तसा पाणा, जे वयं वयामो तसा पाणा ते तुब्भे वदह तसभूया पाणा, एए संति वे ठाणा तुल्ला एगट्ठा, किमाउसो! इमे भे सुप्पणीयतराए भवइ- तसभूया पाणा तसा, इमे भे दुप्पणीयतराए भवइ- तसा पाणा तसा, तओ एगमाउसो! पलिक्कोसह एक्कं अभिनंदह, अयं पि भेदो सेनो नेआउए भवइ ।
___भगवं च णं उदाहु संतेगइया मनुस्सा भवंति, तेसिं च णं एवं वुत्त पुव्वं भवइ नो खलु वयं संचाएमो मुंडा भवित्ता अगाराओ अनगारियं पव्वइत्तए, वयं णं अनपव्वेणं गोत्तस्स लिस्सिस्सामो, ते एवं संखवेंति ते एवं संखं ठवयंति नन्नत्थ अभिजोगेणं गाहावइ-चोरग्गहण-विमोक्खणयाए तसेहिं पाणेहिं निहाय दंडं, तं पि तेसिं कुसलमेव भवइ ।
[८०१] तसा वि वच्चंति तसा तससंभारकडेणं कम्म्णा नामं च णं अब्भवगयं भवइ, तसाउयं च णं पलिक्खीणं भवइ, तसकायद्विइया ते तओ आउयं विप्पजहंति, ते तओ आउयं विप्पजहित्ता थावरत्ताए पच्चायंति थावरा वि वुच्चंति थावरा थावरसंभारकडेणं कम्मुणा नामं च णं अब्भुवगयं भवइ, थावराउयं च णं पलिक्खीणं भवइ, थावरकायद्विइया ते तओ आउयं विप्पजहंति ते तओ आउयं विप्पजहित्ता भुज्जो पारलोइयत्ताए पच्चायंति, ते पाणा वि वुच्चंति ते तसा वि वुच्चंति ते महाकाया ते चिरद्विइया ।
[८०२] सवायं उदए पेढालपत्ते भयवं गोयमं एवं वयासी -आउसंतो गोयमा! नत्थि णं से केइ परियाए जं णं समणोवासगस्स एगपाणातिवायविरए वि दंडे निक्खित्ते कस्स णं तं हेउं ? संसारिया खल पाणा, थावरा वि पाणा तसत्ताए पच्चायंति, तसा वि पाणा थावरत्ताए पच्चायंति, थावरकायाओ विप्पमच्चमाणा सव्वे तसकायंसि उववज्जंति, तसकायाओ विप्पमच्चमाणा सव्वे थावरकायंसि उववज्जंति, तेसिं च णं थावरकायंसि उववन्नाणं ठाणमेयं धत्तं । सवायं भगवं गोयमे उदयं पेढालपत्तं एवं वयासीनो खल आउसो! अस्माकं वत्तव्वएणं तब्भं चेव अनुप्पवाएणं अत्थि णं से परियाए जे णं समणोवासगस्स सव्वपाणेहिं सव्वभूएहिं सव्वजीवेहिं सव्वसत्तेहिं दंडे निक्खित्ते भवइ कस्स णं तं हेउं ? संसारिया खलु पाणा, तसा वि पाणा थावरत्ताए पच्चायंति, थावरा वि पाणा तसत्ताए पच्चायंति, तसकायाओ विप्पमुच्चमाणा सव्वे थावरकायंसि उववज्जति, थावरकायाओ विप्पमुच्चमाणा सव्वे तसकायंसि उववज्जंति, तेसिं च णं तसकायंसि उववन्नाणं ठाणमेयं अधत्तं ते पाणा वि वुच्चंति, ते तसा वि वुच्चंति, ते महाकाया ते चिरद्विइया, सयक्खंधो-२, अज्झयणं-७, उद्देसो
ते बयरगा पाणा जेहिं समणोवासगस्स सुपच्चक्खायं भवइ, ते अप्पयरागा पाणा जेहिं समणोवासगस्स अपच्चक्खायं भवइ, से महया तसकायाओ उवसंतस्स उवढियस्स पडिविरयस्स जं णं तुब्भे वा अन्नो वा एवं वयह- नत्थि णं से केइ परियाए जंसि समणोवासगस्स एगपाणाए वि दंडे निक्खित्ते, अयं पि भेदे से नो नेयाउए भवइ ।
[दीपरत्नसागर संशोधितः]
[79]
[२-सूयगडो]
| SR No. | 003703 |
| Book Title | Agam 02 Suyagado Bieiyam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, Agam 02, & agam_sutrakritang |
| File Size | 2 MB |