Page Text
________________
सव्वे पाणा जाव सव्वे सत्ता हंतव्वा अज्जावेयव्वा परिधेतव्वा परितावेयव्वा किलामेयव्वा उद्दवेयव्वा, ते आगंतु छेयाए ते आगंतु भेयाए ते आगंतु जाइ-जरा-मरण-जोणि जम्मण-संसार-पुनब्भवगब्भवास-भवपवंच-कलंकलीभागिणो भविस्संति, ते बहूणं दंडणाणं बहूणं मुंडणाणं बहूणं तज्जणाणं बहूणं तालणाणं बहूणं अंदुबंधणाणं बहूणं घोलणाणं बहूणं माइमरणाणं बहूणं पिइमरणाणं बहूणं भाइमरणाणं बहूणं भगिनीमरणाणं बहणं भज्जापुत्त-धूत-सुण्हा-मरणाणं बहूणं दारिदाणं दोहग्गाणं बहूणं अप्पियसंवासाणं बहूणं पियविप्पओगाणं बहूणं दुक्ख-दोमणस्साणं आभागिणो भविस्संति अनादियं च णं अणवयग्गं दीहमद्धं चाउरंत-संसार-कंतारं भुज्जो-भुज्जो अनुपरियट्टिस्संति, ते नो सिज्झिस्संति नो बुज्झिसंति जाव नो सव्वदुक्खाणमंतं करिस्संति, एस तुला एस पमाणे एस समोसरणे पत्तेयं तुला पत्तेयं पमाणे पत्तेयं समोसरणे,...
तत्थ णं जे ते समणमाहणा एवमाइक्खंति जाव परुति- सव्वे पाणा सव्वे भूया सव्वे जीवा सव्वे सत्ता न हंतव्वा न अज्जावेयव्वा न परिधेतव्वा न परितावेयव्वा न किलामेयव्वा न उद्दवेयव्वा ते नो आगंतु छेयाए ते नो आगंतु भेयाए ते नो आगंतु जाइ-जरा-मरण-जोणि-जम्मण-संसार-पुनब्भवगब्भवास-भवपवंच-कलंकलीभागिणो भविस्संति, ते नो बहुणं दंडणाणं नो बहूणं मुंडणाणं जाव नो बहूणं दुक्ख-दोमणस्साणं नो भागिणो भविस्संति, अनाइयं च णं अनवयग्गं दीहमदं चाउरंत-संसार-कंतारं भुज्जोभुज्जो नो अनुपरियट्टिस्संति ते सिज्झिस्संति जाव सव्वदुक्खाणं अंतं करिस्संति ।
[६७४] इच्चेतेहिं बारसहिं किरयाठाणेहिं वट्टमाणा जीवा नो सिज्झिंसु नो बुज्झिंसु नो मच्चिस् नो परिनिव्वाइंस नो सव्वदक्खाणं अंतं करेसं वा नो करेंति वा नो करिस्संति वा, एयंसि चेव तेरसमे किरियाठाणे वट्टमाणा जीवा सिज्झिंसु बुझिंसु मुच्चिसुं परिनिव्वाइंसु सव्वदुक्खाणं अंतं करेसुं वा करेंति वा करिस्संति वा । एवं से भिक्ख आयट्ठी आयहिए आयगत्ते आयजोगी आयपरक्कमे आयरक्खिए आयानकंपए आयनिप्फेडए आयाणमेव पडिसाहरेज्जासि । त्ति बेमि ।
मुनि दीपरत्नसागरेण संशोधितः सम्पादितश्च “बीअं अज्झयणं समत्तं"
सयक्खंधो-२, अज्झयणं-३, उद्देसो
0 तइयं अज्झयणं- आहारपरिण्णा 0
[६७५] स्यं मे आउसं! तेणं भगवया एवमक्खायं- इह खल आहारपरिण्णा नामज्झयणे, तस्स णं अयमढे, इह खलु पाईणं वा पडीणं वा उदीणं वा दाहिणं वा सव्वओ सव्वावंति च णं लोगंसि चत्तारि बीयकाया एवमाहिज्जंति, तं जहाः
अग्गबीया मूलबीया पोरबीया खंधबीया, तेसिं च णं अहाबीएणं अहावगासेणं इहेगइया सत्ता पढविजोणिया पठविसंभवा पढविवक्कमा तज्जोणिया तस्संभवा तवक्कमा कम्मोवगा कम्मनियाणेणं तत्थवक्कमा नानाविह-जोणियास् पढवीस् रूक्खत्ताए विउद॒ति,...
ते जीवा तासिं नानाविहजोणियाणं पढवीणं सिनेहमाहारेंति, ते जीवा आहारेंति पढविसरीरं आउसरीरं तेउसरीरं वाउसरीरं वणस्सइसरीरं, नानाविहाणं तसथावराणं पाणाणं सरीरं अचित्तं कव्वंति परिविद्धत्थं तं सरीरं पव्वाहारियं तयाहारियं विपरिणयं सारूवियकडं संतं,
[दीपरत्नसागर संशोधितः]
[63]
[२-सूयगडो]
| SR No. | 003703 |
| Book Title | Agam 02 Suyagado Bieiyam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, Agam 02, & agam_sutrakritang |
| File Size | 2 MB |