Page Text
________________
अवरे वि य णं तेसिं पढविजोणियाणं रूक्खाणं सरीरा नानावण्णा नानागंधा नानारसा नाना फासा नाना-संठाणसंठिया नानाविहसरीरपोग्गलविउव्विया ते जीवा कम्मोववण्णगा भवंति त्ति मक्खायं
[६७६] अहावरं परक्खायं- इहेगइया सत्ता रुक्खजोणिया रुक्खसंभवा रुक्खवक्कमा तज्जोणिया तस्संभवा तद्वक्कमा कम्मोवगा कम्मनियाणेणं तत्थवक्कमा पढविजोणिएहिं रुक्खेहिं रुक्खत्ताए विउद॒ति, ते जीवा तेसिं पुढविजोणियाणं रुक्खाणं सिनेहमाहारेंति,
ते जीवा आहारेंति पुढविसरीरं आउसरीरं तेउसरीरं वाउसरीरं वणस्सइसरीरं परिविद्वत्थं तं सरीरं पुव्वाहारियं तयाहारियं विपरिणयं सारूविकडं संतं,
अवरे वि य णं तेसिं रुक्खजोणियाणं रुक्खाणं सरीरा नानावण्णा नानागंधा नानारसा नानाफासा नानासंठाणसंठिया नानाविहसरीरपोग्गलविउव्विया ते जीवा कम्मोववन्नगा भवंति त्ति मक्खायं
[६७७] अहावर प्रक्खायं- इहेगइया सत्ता रुक्खजोणिया रुक्खसंभवा रुक्खवक्कमा तज्जोणिया तस्संभवा तवक्कमा कम्मोवगा कम्मनियाणेणं तत्थवक्कमा रुक्खजोणिएस् रुक्खत्ताए विउद॒ति, ते जीवा तेसिं रुक्खजोणियाणं रुक्खाणं सिनेहमाहारेंति,
ते जीवा आहारेंति पुढविसरीरं आउसरीरं तेउसरीरं वाउसरीरं वणस्सइसरीरं तसथावराणं पाणाणं सरीरं अचित्तं कव्वंति परिविद्धत्थं तं सरीरं पुव्वाहारियं तयाहारियं विपरिणामियं सारूविकडं संतं,
अवरे वि य णं तेसिं रुक्खजोणियाण रुक्खाणं सरीरा नानावण्णा नानागंधा नानारसा नानाफासा नानासंठाण-संठिया नानाविह-सरीरपोग्गलविउव्विया ते जीवा कम्मोववन्नगा भवंति त्ति मक्खायं ।
___ [६७८] अहावरं पुरक्खायं- इहेगइया सत्ता रुक्खजोणिया रुक्खसंभवा रुक्खवुक्कमा तज्जोणिया तस्संभवा तवक्कमा कम्मोवगा कम्मनियाणेणं तत्थवुक्कमा रुक्खजोणिएसु रुक्खे मूलत्ताए कंदत्ताए खंधत्ताए तयत्ताए सालत्ताए पवालत्ताए पत्तत्ताए पप्फत्ताए फलत्ताए बीयत्ताए विउदृति, ते जीवा तेसिं रुक्खजोणियाणं रुक्खाणं सिनेहमाहारेंति ।
ते जीवा आहारेतिं पढविसरीरं आउसरीरं तेउसरीरं वाउसरीरं वणस्सइसरीरं नानाविहाणं तसथावराणं पाणाणं सरीरं अचित्तं कव्वंति परिविद्धत्थं तं सरीरगं जाव सारूविकडं संतं | सयक्खंधो-२, अज्झयणं-३, उद्देसो
अवरे वि य णं तेसिं रुक्खजोणियाणं मूलाणं कंदाणं खंधाणं तयाणं सालाणं पवालाणं जाव बीयाणं सरीरा नानावण्णा नानागंधा जाव नानाविहसरीरपोग्गलविउव्विया ते जीवा कम्मोववन्नगा भवंति त्ति मक्खायं ।
[६७९] अहावरं पुरक्खायं-इहेगइया सत्ता रुक्खजोणिया रुक्खसंभवा रुक्खवक्कमा तज्जोणिया तस्संभवा तदुवक्कमा कम्मोववन्नगा कम्मनियाणेणं तत्थवुक्कमा रुक्खजोणिएहिं रुक्खेहिं अज्झारोहत्ताए विउटुंति, ते जीवा तेसिं रुक्खजोणियाणं रुक्खाणं सिनेहमाहारेंति
ते जीवा आहारेतिं पुढविसरीरं जाव सारूविकडं संतं, अवरे वि य णं तेसिं रुक्ख-जोणियाणं अज्झारोहाणं सरीरा नानावण्णा जाव मक्खायं ।
[६८०] अहावरं पुरक्खायं- इहेगइया सत्ता अज्झारोहजोणिया अज्झारोहसंभवा जाव कम्मनियाणेणं तत्थवुक्कमा रुक्खजोणिएसु अज्झारोहेसु अज्झारोहत्ताए विउद॒ति, ते जीवा तेसिं रुक्खजोणियाणं अज्झारोहाणं सिनेहमाहारेंति
[दीपरत्नसागर संशोधितः]
[64]
[२-सूयगडो]
| SR No. | 003703 |
| Book Title | Agam 02 Suyagado Bieiyam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, Agam 02, & agam_sutrakritang |
| File Size | 2 MB |