Page Text
________________
सम्मं अनुपालेमाणा समणे निग्गंथे फासुएसणिज्जेणं असन-पान-खाइम - साइमेणं वत्थं-पडिग्गह-कंबल-पायपुंछणेणं ओसह-भेसज्जेणं पीढ-फलग-सेज्जासंथारएणं पडिलाभेमाणा बहुहिं सीलव्वय-गुण-वेरमणपच्चक्खाण-पोसहोववासेहिं अहापरिग्गहिएहिं तवो-कम्मेहिं अप्पाणं भावेमाणा विहरंति ।
ते णं एयारूवेणं विहारेणं विहरमाणा बहूई वासाइ समणोवासगपरियागं पाउणंति पाउणित्ता आबाहंसि उप्पन्नंसि वा अनुप्पन्नंसि वा बहूइं भत्ताइं पच्चक्खायंति पच्चक्खाएत्ता बहूइं भत्ताइं अनसणाए छेदेंति छेदित्ता आलोइय पडिक्कंता समाहिपत्ता कालमासे कालं किच्चा अन्नयरेसु देवलोएसु देवता उववत्तारो भवंति तं जहा
महड्ढि महज्जुइएसु जाव महासोक्खेसु सेसं तहेव जाव एस ठाणे आयरिए जाव एगंतसम्मे साहू, तच्चस्स ठाणस्स मीसगस्स विभंगे एवमाहिए । अविरइं पडुच्च बाले आहिज्जइ, विरइं पडुच्च पंडिए आहिज्जइ, विरयाविरइं पडुच्च बालपंडिए आहिज्जइ, तत्थ णं जा सा सव्वओ अविरई एसट्ठाणे आरंभट्ठाणे अनारिए जाव असव्वदुक्खप्पहीणमग्गे एगंतमिच्छे असाहू, तत्थ णं जा सा विरई एस ट्ठाणे अनारंभट्ठाणे आरिए जाव सव्वदुक्खप्पहीणमग्गे एगंतस्समे साहू, तत्थ णं जा सा सव्वओ विरयाविरई एस ठाणे आरंभणोआरंभट्ठाणे एस ट्ठाणे आरिए जाव सव्वदुक्खप्पहीणमग्गे एगंतसम्मे साहू | [६७२] एवामेव समनुगम्ममाणा इमेहिं चेव दोहिं ठाणेहिं समोयरंति, तं जहा- धम्मे चेव अधम्मे चेव, उवसंते चेव अनुवसंते चेव, तत्थ णं जे से पढमट्ठाणस्स अधम्मपक्खस्स विभंगे एवमाहिए तत्थ णं इमाइं तिन्नि तेवट्ठाई पावादुयसयाइं भवतीति मक्खायाइं जहा - किरियावाईणं अकिरियावाईणं अन्नाणियवाईणं वेणइयवाईणं, तेऽवि निव्वाणमाहंसु तेऽवि पलिमोक्खमाहंसु तेऽवि लवंति सावगा ! sa लवंति सावइत्तारो ।
[६७३] ते सव्वे पावादुया आइगरा नानारूई नानारंभा नानाज्झवसाणसंजुत्ता एगं महं सागणियाणं इंगालाणं पाइं बहुपडिपुण्णं अओमएणं सुयक्खंधो-२, अज्झयणं-२, उद्देसो
धम्माणं नानापण्णा नानाछंदा नानासीला नानादिट्ठी मंडलिबंधं किच्चा सव्वे एगओ चिट्ठति । पुरिसे य संडासएणं गहाय ते सव्वे पावादुए आइगरे धम्माणं
नानापण्णे नानाज्झवसाणसंजुत्ते ! एवं वयासी- हंभो पावादुया ! आइगरा धम्माणं नानापण्णा जाव नानाज्झवसाणसंजुत्ता! इमं ताव तुब्भे सागणियाणं इंगालाणं पाई बहुपडिपुण्णं गहाय मुहुतगं- मुहुत्तगं पाणिणा घरेह, नो बहु संडासगं संसारियं जा बहु अग्गिथंभणियं जा नो बहु साहम्मियवेयावडियं कुज्जा नो बहु परमधम्मियवेयावडियं कुज्जा उज्जुया नियागपडिवन्ना अमायं कुव्वमाणा पाणिं पसारेहि, इति वुच्चा से पुरिसे तेसिं पावादुयाण तं सागणियाणं इंगालाणं पाई बहुपडिपुन्नं अओमएणं संडासणं गहाय पाणिंसु निसिरति,
तणं ते पावाया आइगरा धम्माणं नानापण्णा जाव नानाज्झवसाणसंजुत्ता पाणिं पडिसाहरंति, तए णं से पुरिसे ते सव्वे पावादुए आइगरे धम्माणं नानापणे जाव नानाज्झवसाणसंजुत्ता ! एवं वयासी- हंभो पावादुया ! आइगरा धम्माणं नानापण्णा जाव नाणाज्झवसाणसंजुत्ता ! कम्हा णं तुब्भे पाणिं पडिसाहरह ? पाणीं नो डज्झेज्जा, दड्ढे किं भविस्सइ ? दुक्खं, दुक्खंति मन्नमाणा पडिसाहरह ? एस तुला एस पमाणे एस समोसरणे पत्तेयं तुला पत्तेयं पमाणे पत्तेयं समोसरणे, तत्थ णं जे ते समणा माहा एमाइक्खति जाव एवं परुवेति
[दीपरत्नसागर संशोधितः ]
[62]
[२-सूयगडो]
| SR No. | 003703 |
| Book Title | Agam 02 Suyagado Bieiyam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, Agam 02, & agam_sutrakritang |
| File Size | 2 MB |