Page Text
________________
तेसि पि य णं इमाई तेरस किरियाठाणाई भवंतीतिमक्खायं, तं जहा- अट्ठादंडे अनट्ठादंडे हिसादंडे अकम्हादंडे दिद्विविपरियासियादंडे मोसवत्तिए अदिन्नादानवत्तिए अज्झत्थिए मानवत्तिए मित्तदोसवत्तिए मायावत्तिए लोभवत्तिए इरियावहिए ।
[६४९] पढमे दंडसमादाणे अट्ठादंडवत्तिए त्ति आहिज्जइ, से जहानामए केइ परिसे आयहे वा नाइहेउं वा अगारहेउं वा परिवारहेउं वा मित्तहे वा नागहेउं वा भूयहउँ वा जक्खहे वा तं दंड तसथावरेहिं पाणेहि सयमेव निसिरति अन्नेण वि निसिरावेति अन्नं पि निसिरंतं समनजाणति, एवं खल तस्स तप्पत्तियं सावज्जं ति आहिज्जइ, पढमे दंडसमादाने अट्ठादंडवत्तिए त्ति आहिए |
[६५०] अहावरे दोच्चे दंडसमादाने अनट्ठादंडवत्तिए त्ति आहिज्जइ, से जहानामए केइ परिसे जे इमे तसा पाणा भवंति ते नो अच्चाए नो अजिनाए नो मंसाए नो सोणियाए नो हिययाए नो पित्ताए नो वसाए नो पिच्छाए नो पच्छाए नो बालाए नो सिंगाए नो विसाणाए नो दंताए नो दाढाए नो ण्हाए. नो सयक्खंधो-२, अज्झयणं-२, उद्देसो
ण्हारुणिए नो अट्ठीए नो अद्विमिंजाए नो हिं त्त नो हिंसंति मे त्ति नो हिंसिस्संति मे त्ति नो पत्तपोसणयाए नो पस्पोसणयाए नो अगारपरिवहणयाए नो समणमाहणवत्तणाहेउं नो तस्स सरीरगस्स किंचि विपरियाइत्ता भवति, से हंता छेत्ता भेत्ता लंपइत्ता विलंपइत्ता उद्दवइत्ता उज्झिउं बाले वेरस्स आभागी भवति- अनट्ठादंडे ।
से जहानामए केइ पुरिसे जे इमे थावरा पाणा भवंति, तं जहा-इक्कडा इ वा कढिणा इ वा जंतुगा इ वा परगा इ वा मोक्खा इ वा तणा इ वा कसा इ वा कच्छगा इ वा पव्वगा इ वा पलाला इ वा ते नो पुत्तपोसणाए नो पसुपोसणाए नो अगारपरिवूहणयाए नो समणमाहणपोसणयाए नो तस्स सरीरगस्स किंचि विपरियाइत्ता भवंति, से हंता छेत्ता भेत्ता लुंपइत्ता विलंपइत्ता उद्दवइत्ता उज्झिउं बाले वेरस्स आभागी भवइ- अनट्ठादंडे ।
से जहानामए केड़ परिसे कच्छसि वा दहंसि वा उदगंसि वा दवियंसि वा वलयंसि वा नमंसि वा गहणंसि वा गहणविग्गंसि वा वनंसि वा वनविग्गंसि वा पव्वयंसि वा पव्वयविदग्गंसि वा तणाई ऊसविय- ऊसविय सयमेव अगनिकायं निसिरति अन्नेण वि अगनिकायं निसिरावेति अन्नं पि अगनिकायं निसिरंतं समनजाणति- अनट्ठादंडे, एवं खल तस्स तप्पत्तियं सावज्जति आहिज्जइ, दोच्चे दंडसमादाने अनट्ठादंडवत्तिए त्ति आहिए ।
[६५१] अहावरे तच्चे दंडसमादाने हिंसादंडवत्तिए त्ति आहिज्जइ, से जहानामए केइ परिसे ममं वा ममि वा अन्नं वा अन्निं वा हिंसिस् वा हिंसंति वा हिंसिस्संति वा तं दंडं तसथावरेहिं पाणेहिं सयमेव निसिरइ अन्नेण वि निसिरावेइ अन्नं पि निसिरंतं समणुजाणइ हिंसादंडे, एवं खलु तस्स तप्पत्तियं सावज्जं ति आहज्जइ, तच्चे दंडसमादाणे हिंसादंडवत्तिए त्ति आहिए |
[६५२] अहावरे चउत्थे दंडसमादाने अकम्हादंडवत्तिए त्ति आहिज्जइ, से जहानामए केइ पुरिसे कच्छंसि वा जाव पव्वयविदुग्गंसि वा मियवत्तिए मियसंकप्पे मियपणिहाणे मियवहाए गंता एते मिय त्ति काउं अन्नयरस्स मियस्स वहाए उसं आयामेत्ता णं निसिरेज्जा, से मियं वहिस्सामि त्ति कट्ट तित्तिरं वा वट्टगं वा चडगं वा लावगं वा कवोयगं वा कविं वा कविजलं वा विधित्ता भवति- इह खल से अन्नस्स अट्ठाए अन्नं फसइ- अकस्मादंडे ।
[दीपरत्नसागर संशोधितः]
[52]
[२-सूयगडो]
| SR No. | 003703 |
| Book Title | Agam 02 Suyagado Bieiyam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, Agam 02, & agam_sutrakritang |
| File Size | 2 MB |