Page Text
________________
से जहानामए केइ परिसे सालीणि वा वीहीणि वा कोद्दवाणि वा कंगणि वा परगाणि वा रालाणि वा निलिज्जमाणे अन्नयरस्स तणस्स वहाए सत्थं निसिरेज्जा, से सामगं तणगं कमदगं वीहीऊसियं कलेसुयं तणं छिंदिस्सामि त्ति कट्ट सालिं वा वीहिं वा कोद्दवं वा कंगू वा परगं वा रालयं वा छिदित्ता भवति- इति खल से अन्नस्स अट्ठाए अन्नं फुसति- अकम्हादंडे, एवं खल तस्स तप्पत्तियं सावज्जं ति आहिज्जइ, चउत्थे दंडसमादाने अकम्हादंडवत्तिए आहिए ।
[६५३] अहावरे पंचमे दंडसमादाने दिट्ठिविपरियासियादंडवत्तिए त्ति आहिज्जइ, से जहानामए केइ परिसे माईहिं वा पिईहिं वा भाईहिं वा भगिनीहिं वा भज्जाहिं वा पत्तेहिं वा धूयाहिं वा सुण्हाहिं वा सद्धिं संवसमाणे मित्तं अमित्तमिति मन्नमाणे मित्ते हयपव्वे भवइ दिद्विविपरियासियादंडे,
से जहानामए केइ परिसे गामघायंसि वा नगरघायंसि वा खेडघायंसि कब्बडघायंसि वा दोणमहघायंसि वा पट्टणघायंसि वा आसमघायंसि वा सन्निवेसघायंसि वा निगमघायंसि वा रायहाणिघायंसि वा अतेणं तेणमिति मन्नमाणे अतेणे हयपव्वे भवइ- दिद्विविपरियासियादंडे, एवं खल तस्सतप्पस्यक्खंधो-२, अज्झयणं-२, उद्देसो
त्तियं सावज्जं ति आहिज्जइ, पंचमे दंडसमादाने दिद्विविपरियासियादंडवत्तिए त्ति आहिए |
[६५४] अहावरे छटे किरियट्ठाणे मोसवत्तिए त्ति आहिज्जइ, से जहानामए केइ परिसे आयहेउं वा नाइहउँ वा अगारहेउं वा परिवारहे सयमेव मुसं वयति अन्नेण वि मुसं वाएइ, मुसं वयंतं पि अन्नं समनुजाणति, एवं खलु तस्स तप्पत्तियं सावज्जंति आहिज्जइ, छट्टे किरियट्ठाणे मोसवत्तिए त्ति आहिए ।
[६५५] अहावरे सत्तमे किरियट्ठाणे अदिन्नादानवत्तिए त्ति आहिज्जइ, से जहानामए केई पुरिसे आयहे वा जाव परिवारहेउँ वा सयमेव अदिन्नं आदियति अन्नेण वि अदिन्नं आदियावेति अदिन्नं आदियंतं पि अन्नं समनजाणइ, एवं खल तस्स तप्पत्तियं सावज्जं ति आहिज्जइ, सत्तमे किरियट्ठाणे अदिन्नादानवत्तिए त्ति आहिए।
[६५६] अहावरे अट्ठमे किरियट्ठाणे अज्झत्थवत्तिए त्ति आहिज्जइ, से जहानामए केड़ परिसे- नत्थि णं केइ किंचि विसंवादेइ- सयमेव हीने दीने हे दुम्मणे ओहयमन-संकप्पे चिंतासोगसागर संपविढे करतलपल्हत्थुम्हे अट्टज्झाणोवगए भूमिगयदिहिए झियाति, तस्स णं अज्झत्थिया असंसइया चत्तारि ठाणा एवमाहिज्जति तं जहा- कोहे माने माया लोहे, अज्झत्थमेव कोह-मान-माया-लोहे, एवं खल तस्स तप्पत्तियं सावज्जं ति आहिज्जइ, अट्ठमे किरियट्ठाणे अज्झत्थवत्तिए त्ति आहिए |
[६५७] अहावरे नवमे किरियट्ठाणे मानवत्तिए त्ति आहिज्जइ- से जहानामए केइ परिसे जाइमदेण वा कुलमदेण वा बलमदेण वा रूवमदेण वा तवमदेण वा सयमदेण वा लाभमदेण वा इस्सरियमदेण वा पण्णामदेण वा अन्नयरेण वा मदट्ठाणेणं मत्ते समाणे परं हीलेति निंदेति खिंसति गरिहति परिभवति अवमन्नेति, इत्तरिए अयं, अहमंसि पुण विसिट्ठजाइ कुल बलाइ गुणोववेए
एवं अप्पाणं समुक्कसे, देहच्चुए कम्मबिइए अवसे पयाति, तं जहा- गब्भाओ गब्भं जम्माओ जम्मं माराओ मारं नरगाओ नरगं चंडे थद्धे चवले माणी यावि भवइ, एवं खलु तस्स तप्पत्तियं सावज्जं ति आहिज्जइ, नवमे किरियट्ठाणे मानवत्तिए त्ति आहिए ।
[दीपरत्नसागर संशोधितः]
[53]
[२-सूयगडो]
| SR No. | 003703 |
| Book Title | Agam 02 Suyagado Bieiyam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, Agam 02, & agam_sutrakritang |
| File Size | 2 MB |