Page Text
________________
[६३२] अहाह भगवं- एवं से दंते दविए वोसट्ठकाए त्ति वच्चे-माहणे त्ति वा, समणे त्ति वा, भिक्खू त्ति वा, निग्गंथे त्ति वा पडिआए- भंते ! कहं न दंते दविए वोसट्ठकाए त्ति वच्चे माहणे त्ति वा समणे त्ति वा भिक्खू त्ति वा निग्गंथे त्ति वा ? तं नो बहि महामनी! इतिविरए सव्वपावक्कमेहिं पेज्जदोस - कलह- अब्भक्खाण - पेसुन्न-परपरिवाद अरतिरति मायामोस मिच्छादसणसल्ले विरते समिए सयक्खंधो-२, अज्झयणं-१६, उद्देसो
सहिए सया जए, नो कुज्झे नो माणी माहणे त्ति वच्चे ।
एत्थ वि समणे अनिस्सिए अनिदाने आदानं च अतिवायं च मसावायं च बहिद्धं च कोहं च मानं च मायं च लोहं च पेज्जं च दोसं च इच्चेव जतो जतो आदानं अप्पणो पद्दोसहेऊ ततो-ततो आदानातो पव्वं पडिविरते विरए पाणाइवायाओ सिआ दंते दविए वोसढकाए समणे त्ति वच्चे ।
एत्थ वि भिक्खू अणन्नते विनीए नामए दंते दविए वोसट्ठकाए संविधणीय विरूवरूवे परीसहोवसग्गे अज्झप्पजोगसुद्धादाने उवट्ठिए ठिअप्पा संखाए परदत्तभोई भिक्खू त्ति वच्चे ।
एत्थ वि निग्गंथे एगे एगविदू बुद्धे संछिन्नसोए सुसंजए सुसमिए सुसामाइए आतप्पवायपत्ते विऊ दुहओ वि सोयपलिछिन्ने नो पूयासक्कारलाभट्ठी धम्मट्ठी धम्मविऊ नियागपडिवण्णे समियं चरे दंते दविए वोसट्ठकाए निग्गंथे त्ति वच्चे ।
से एवमेव जाणह जंऽहं भयंतारो || - त्ति बेमि मनि दीपरत्नसागरेण संशोधितः सम्पादितश्च "सोलसमं अज्झयणं समत्तं"
• पढ़मो सुयक्खंधो समत्तो .
बीओ सुयक्खंधो
0 पढमं अज्जयणं- पोंडरीए 0 [६३३] सुयं मे आउसं तेणं भगवया एवमक्खायं- इह खलु पोंडरीए नामज्झयणे, तस्स णं अयमढे पन्नत्ते- से जहानामए पोक्खरणी सिया बहुदउदगा बहसेया बहुपुक्खला लट्ठा पोंडरीकिणी पासादिया दरिसणीया अभिरूवा पडिरूवा, तीसे णं पोक्खरणीए तत्थ-तत्थ देसे-देसे तहिं-तहिं बहवे पउमवरपोंडरीया बुइया- अनुपुव्वट्ठिया ऊसिया रूइला वण्णमंता गंधमंता रसमंता फासमंता पासादिया दरियसणीया अभिरूवा पडिरूवा ।
तीसे णं पोक्खरणीए बहमज्झदेसभाए एगे महं पउमरपोंडरीए बुइए, अनपव्वट्ठिए ऊसिए रूइले वण्णमंते गंधमंते रसमंते फासमंते पासादिए [दरिसणीए अभिरुवे पडिरूवे, सव्वावंति च णं तीसे पोक्खरणीए तत्थ-तत्थ देसे-देसे तहिं-तहिं बहवे पउमवर-पोंडरीया बुइया- अनुपुव्वट्ठिया ऊसिया रूइला जाव पडिरूवा, सव्वावंति च णं तीसे णं पोक्खरणीए बहुमज्झदेसभाए एगे महं पउमवरपोंडरीए बुइए-अनपव्वट्ठिए जाव पडिरूवे ।
[६३४] अह पुरिसे पुरत्थिमाओ दिसाओ आगम्म तं पुक्खरणिं तीसे पुक्खरणीए तीरे ठिच्चा पासति तं महं एगं पउमवरपोंडरीयं अनुपुव्वट्ठियं ऊसियं जाव पडिरूवं । तए णं से पुरिसे एवं वयासीअहमंसि परिसे खेत्तण्णे कसले पंडिते विअत्ते मेघावी अबाले मग्गत्थे मग्गविद् मग्गस्स गति परक्कमण्णू अहमेतं परमवरपोंडरीयं उन्निक्खिस्सामि त्ति बूया से पुरिसे अभिक्कमे तं पुक्खरणिं, जावं
[दीपरत्नसागर संशोधितः]
[42]
[२-सूयगडो]
| SR No. | 003703 |
| Book Title | Agam 02 Suyagado Bieiyam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, Agam 02, & agam_sutrakritang |
| File Size | 2 MB |