________________
[६१७] अनुसासनं पुढो पाणी, वसुमं पूयणा सते । अनासते जते दंते, दढे आरत मेहुणे ॥ [६१८] नीवारे व न लीएज्जा छिन्नसोते अनाविले । सुयक्खंधो-१, अज्झयणं-१४, उद्देसो
[६२०]
अनाइले सदा दंते, संधि पत्ते अनेलिसं ॥ [६१९] अनेलिसस्स खेयण्णे, न विरुज्झेज्ज केणइ । मनसा वयसा चेव, कायसा चेव चक्खुमं ।। हु चक्खू मनुस्साणं जे कंखाए य अंतए । अंते खुरो वहती, चक्कं अंतेण लोट्ठति ।। [६२१] अंताणि धीरा सेवंति, तेण अंतकरा इह I इह माणुस्सए ठाणे, धम्ममाराहिउं नरा || [६२२] निट्ठितट्ठा व देवा वा, उत्तरीए त्ति
सुतं च मेतमेगेसिं, अमनुस्सेसु नो तहा || [६२३] अंतं करेंति दुक्खाणं, इहमेगेसिं आहितं ।
आघातं पुण एगेसिं, दुल्लभेऽयं समुस्सए || [६२४] इतो विद्धंसमाणस्स, पुणो संबोहि दुल्लभा ।
दुल्लभाओ तहच्चाओ, जे धम्मट्ठे वियागरे । [६२५] जे धम्मं सुद्धमक्खंति, पडिपुण्णमनेलिसं ।
अनेलिसस्स जं ठाणं, तस्स जम्मकहा कओ ? ।। [६२६] कओ कयाइ मेहावी, उप्पज्जंति तथागता I
तथागता अप्पडिण्णा, चक्खू लोगस्सऽनुत्तरा ॥ [६२७] अनुत्तरे य ठाणे से, कासवेण पवेदिते ।
जं किच्चा निव्वुडा एगे, निट्ठ पावेंति पंडिया ।। [६२८] पंडिए वीरियं लधुं निग्घायाय पवत्तगं I धुणे पुव्वकडं कम्मं नवं वाऽवि न कुव्वइ ।। [६२९] न कुव्वइ महावीरे, अनुपुव्वकडं रयं I रयसा संमुहीभूते, कम्मं हेच्चाण जं मतं ॥ [६३०] जं मतं सव्वसाहूणं, तं मतं सल्लगत्तणं । साहइत्ताण तं तिण्णा, देवा वा अभविंसु ते ।।
[६३१] अभविंसु पुरा वीरा, आगमिस्सा वि सुव्वा ।
दुन्निबोहस्स मग्गस्स अंतं पाउकरा तिणे ।। त्ति बेमि मुनि दीपरत्नसागरेण संशोधितः सम्पादितश्च "पन्नरसमं अज्झयणं समत्तं "
0 सोलसमं अज्झयणं- गाहा 0
[दीपरत्नसागर संशोधितः ]
[41]
[२-सूयगडो]
