________________
भासादुयं धम्मसमुट्ठितेहिं, वियागरेज्जा समया सुपणे । [६०२] अनुगच्छमाणे वितहं विजाणे, तहा तहा साहु असे । न कत्थई भास विहिंसएज्जा, निरुद्धगं वावि न दीहएज्जा ।। सुयक्खंधो-१, अज्झयणं-१४, उद्देसो
[६०३] समालवेज्जा पडिपुन्नभासी, निसामिया समिया अट्ठदंसी I आणाए सुद्धं वयणं भिउंजे अभिसंघए पावविवेग भिक्खू ।। [६०४] अहाबुइयाइं सुसिक्खएज्जा, जइज्जया नाइवेलं वएज्जा 1 से दिट्ठिमं दिट्ठि न लूसएज्जा, से जाणई भासिउं तं समाहिं ।। [६०५] अलूसए नो पच्छन्नभासी, नो सुत्तमत्थं च करेज्ज ताई । सत्थारभत्ती अनुवीचि वायं सुयं च सम्मं पडिवाययंति [६०६] से सुद्धसुत्ते उवहाणवं च धम्मं च जे विंदति तत्थ तत्थ । आएज्जवक्के कुसले वियत्ते, स अरिहइ भासिउं तं समाहिं ।। त्ति बे मुनि दीपरत्नसागरेण संशोधितः सम्पादितश्च "चउद्दसमं अज्झयणं समत्तं” 0 पन्नरसमं अज्झयणं - जमईए 0
||
I
||
[६०७] जमतीतं पडुप्पन्नं, आगमिस्सं च नायओ सव्वं मन्नति तं ताई, दंसणावरनंतए [६०८] अंतए वितिगिच्छाए, से जाणइ अनेलिसं I अनेलिसस्स अक्खाया, न से होइ तहिं तहिं ।। [६०९] तहिं तहिं सुयक्खायं से य सच्चे सुआहिए । सदा सच्चेण संपन्ने, मितिं भूतेसु कप्पए । [६१०] भूतेसु न विरुज्झेज्जा, एस धम्मो वसीमओ ।
वसीमं जगं परिण्णाय, अस्सिं जीवियभावना ।। [६११] भावनाजोगसुद्धप्पा, जले नावा व आहिया ।
नावा व तीरसंपन्ना, सव्वदुक्खा तिउट्टति ॥ [६१२] तिउट्टती उ मेहावी, जाणं लोगंसि पावगं । तुट्टंति पावकम्माणि, नवं कम्ममकुव्वओ ।। [६१३] अकुव्वओ नवं नत्थि, कम्मं नाम विजाणइ । नच्चाण से महावीरे, जेण जाई न मिज्जती ॥ [६१४] न मिज्जती महावीरे, जस्स नत्थि पुरेकडं । वाऊ व्व जालमच्चेइ पिया लोगंसि इत्थिओ || [६१५] इत्थिओ जे न सेवंति, आदिमोक्खा हु ते जना । तेजना बंधणुम्मुक्का, नावकंखंति जीवितं ।। [६१६] जीवितं पिट्ठओ किच्चा, अंतं पावंति कम्णा । कम्मुणा संमुहीभूता, जे मग्गमनुसासति ॥
[40]
[दीपरत्नसागर संशोधितः ]
[२-सूयगडो]
