Page Text
________________
जावं च णं अभिक्कमेइ ताव-तावं च णं महंते उदए महंते सेए पहीणे तीरं, अपत्ते पउमवरपोंडरीयं नो हव्वाए नो पाराए अंतरा पोक्खरणीए सेयंसि निसणे- पढमे पुरिसजाते ।
[६३५] अहावरे दोच्चे पुरिसजाते - अह पुरिसे दक्खिणाओ दिसाओ आगम्म तं पुखणं तीसे पुक्खरणीए तीरे ठिच्चा पासति तं महं एगं पउमवरपोंडरीयं, अनुपुव्वट्ठियं पासादीयं जाव पडिरूवं, तं च एत्थ एगं पुरिसजायं पास पहीणतीरं अपत्तपमवरपोंडरीयं नो हव्वाए नो पाराए अंतरा पोक्खरणी सुयक्खंधो-२, अज्झयणं-१, उद्देसो
सेयंसि निसण्णं, तए णं से पुरिसे तं पुरिसं एवं वयासी
अहो णं इमे पुरिसे अखेत्तण्णे अकुसले अपंडिए अविअत्ते अमेधावी बाले नो मग्गत्थे नो मग्गविदू नो मग्गस्स गति- नो परक्कमण्णू जण्णं एस पुरिसे, अहं खेत्तण्णे कुसले जाव पउमवरपोंडरीयं उन्निक्खिस्सामि, नो य खलु एतं पउमवरपोंडरीयं एवं उन्निक्खेवियत्वं जहा णं एस पुरिसे मन्ने, अहमंसि पुरिसे खेत्तण्णे कुसले पंडिते विअत्ते मेघावी अबाले मग्गत्थे मग्गविदू मग्गस्स गतिपरक्कमण्णू अहमेत पउमवरपोंडरीयं उन्निक्खिविस्सामि त्ति कट्टु इति वच्चा से पुरिसे अभिक्कतं पोक्खरणिं, जाव-जावं च णं अभिक्कमेइ ताव-तावं च णं महंते उदए महंते सेए पहीणे तीरं अपत्ते पउमवरपोंडरीयं नो हव्वाए नो पाराए अंतरा पोक्खरणीए सेयंसि निसण्णे- दोच्चे पुरिसजाते ।
[६३६] अहावरे तच्चे पुरिसजाते - अह पुरिसे पच्चत्थिमाओ दिसाओ आगम्म तं पोक्खरणिं तीसे पोक्खरणीए तीरे ठिच्चा पासति तं महं एगं पउमवरपोंडरीयं अनुपुव्वट्ठियं जाव पडिरूवं, ते तत्थ दोन्नि पुरिसजाते पासति पहीणे तीरं अपत्ते पउमवरपोंडरीयं नो हव्वाए नो पाराए अंतरा पोक्खरणीए सेयंसि निसण्णे ।
तणं से पुरिसे एवं वयासी- अहो णं इमे पुरिसा अखेत्तण्णा अकुसला अपंडिया अवियत्ता अमेधावी बाला नो मग्गत्था नो मग्गविदू नो मग्गस्स गति- परक्कमन्नू, जंणं एते पुरिसा एवं मन्ने- अम्हे एतं परमवरपोंडरीयं उन्निक्खिस्सामो, नो य खलु एतं पउमवरपोंडरीयं एवं उन्निक्खेयत्वं जहा णं एते पुरिसा मन्ने ।
अहमंसि पुरिसे खेतन्ने कुसले पंडिए वियत्ते मेघावी अबाले मग्गमत्थे मग्गविदू मग्गस्स गति- परक्कमण्णू अहमेयं परमवरपोंडरीयं उन्निक्खिस्सामि त्ति कट्टु इति वच्चा से पुरिसे अभिक्कमे तं पोक्खिरणिं जावं-जावं च णं अभिक्कमेइ तावं-तावं च णं महंते उदए महंते सेए जाव अंतरा पोक्खरिणी सेयंसिनिसण्णे- तच्चे पुरिसजाते ।
[६३७] अहावरे चउत्थे पुरिसजाते - अह पुरिसे उत्तराओ दिसाओ आगम्म तं पोक्खरिणिं तीसे पोक्खरिणीए तीरे ठिच्चा पासति तं महं एगं पउमवरपोंडरीयं अनुपुव्वट्ठियं जाव पडिरूवं, ते तत्थ तिन्नि पुरिसजाते पासति पहीणे तीरं अपत्ते जाव सेयंसि निसण्णे ।
तए णं से पुरिसे एवं वयासी- अहो णं इमे पुरिसा अखेत्तण्णा जाव नो मग्गस्स गति परक्कमण्णू जं णं एते पुरिसा एवं मन्ने अम्हे एतं परमवरपोंडरीय उन्निक्खस्सामो नो य खलु एतं पउमवरपोंडरीयं एवं उन्निक्खेयत्वं जहा णं एते पुरिसा मन्ने, अहमंसि पुरिसे खेत्तण्णे जाव मग्गस्स गति परक्कमन्नू, अहमेयं पउमवरपोंडरीयं उन्निक्खिस्सामि त्ति कट्टु इति वच्चा से पुरिसे अभिक्कमे, तं पोक्खरणिं जावं- जावं च णं अभिक्कमेइ तावं - तावं च णं महंते उदए महंते सेए जाव अंतरा पोक्खरणिए निसण्णे- चउत्थे पुरिसजाते ।
[दीपरत्नसागर संशोधितः ]
[43]
[२-सूयगडो]
| SR No. | 003703 |
| Book Title | Agam 02 Suyagado Bieiyam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, Agam 02, & agam_sutrakritang |
| File Size | 2 MB |