________________
२
प्रस्तावना
**************************************
सूत्रकृतांग श्रु० २ अ० २ सूत्र ७६ -
से जहाणामए समणोवासगा भवंति अभिगयजीवाजीवा उवलद्धपुण्णपावा, आसवसंवरवेयणा, णिज्जरा, किरियाहिगरणबंधमोक्खकुसला, असहेज्जदेवासुरनागसुवन्न- जक्ख- रक्खस- किन्नर - किंपुरिस गरुल- गंधव्वमहोरगाइएहिं देवगणेहिं निग्गंथाओ पावयणाओ, अणइक्कमणिज्जा, इणमेव निग्गंथे पावयणे णिस्संकिया णिक्कं खिया, णिव्वितिगिच्छा, लद्धट्ठा, गहियट्ठा, पुच्छियट्ठा, विणिच्छियट्ठा, अभिगयट्ठा, अट्ठिमिंजपेमाणुरागरत्ता। अयमाउसो! णिग्गंथे पावयणे अयं परमट्ठ सेसे अणट्टे, ऊसियफलिहा अवंगुयदुवारा, अचियत्तंतेउरपरघरपवेसा, चाउद्दसमुद्दिट्ठपुण्णिमासिणीसु पडिपुन्नं पोसहं सम्मं अणुपालेमाणा समणे णिग्गंथे फासुएसणिज्जेणं असण पाण- खाइम साइमेणं, वत्थपडिग्गह- कंबल - पायपुच्छणेणं, ओसहभेसज्जेणं, पीढफलगसेज्जासंथारएणं पडिलाभेमाणा बहूहिं सीलवयगुणवेरमण-पचक्खाणपोसहोववासेणं अहापरिग्गहिएहिं तवोकम्मेहिं, अप्पाणं भावेमाणा विहरंति ॥ ७६ ॥
तेणं एयारूवेणं विहारेणं विहरमाणा बहूहिं वासाहिं समणोवासगपरियागं पाउणंति, पाउणित्ता आबाहंसि उप्पन्नंसि वा अणुप्पन्नंसि वा बहूई भत्ताइं अणसणाई छेदेइ बहूई भत्ताई अणसणाई छेदेइत्ता आलोइयपडिक्कंता
Jain Educationa International
For Personal and Private Use Only
- www.jainelibrary.org
B0
-
