________________
भगवई
२६३ उदाहु जूयासेज्जायरए ?
१५।६१ तए णं से वेसियायणे बालतवस्सी गोसालस्स मंखलिपुत्तस्स एयम8 नो आढाति, नो परियाणति, तुसिणीए संचिट्ठइ ।।
१५।६२ तए णं से गोसाले मंखलिपुत्ते वेसियायणं बालतवस्सि दोच्चं पि तच्चं पि एवं वयासी-किं भवं मुणी ? मुणिए ? उदाहु जूयासेज्जायराए ?
१५।६३ तए णं से वेसियायणे बालतवस्सी गोसालेणं मंखलिपुत्तेणं दोच्चं पि तच्चं पि एवं वुत्ते समाणे आसुरुत्ते रुट्ठ कुविए चंडिक्किए मिसिमिसेमाणे आयावणभूमीओ पच्चोरुभइ, पच्चोरुभित्ता तेयासमुग्घाएणं समोहण्णइ, समोहणित्ता सत्तट्ठपयाई पच्चोसक्कइ, पच्चोसक्कित्ता गोसालस्स मंलिपुत्तस्स वहाए सरीरगंसि तेयं निसिरइ ।। १५॥६४
तए णं अहं गोयमा ! गोसालस्स मंखलिपुत्तस्स अणुकंपणट्ठयाए वेसियायणस्स बालतवस्सिस्स उसिणतेयपडिसाहरणट्टयाए एत्थ णं अंतरा सीयलियं तेयलेस्सं निसिरामि, जाए सा ममं सीयलियाए तेयलेस्साए वेसियायणस्स बालतवस्सिस्स उसिणा तेयलेस्सा पडिहया ॥
१५।६५ तए णं से वेसियायणे बालतवस्सी ममं सीयलियाए तेयलेस्साए साउसिणं तेयलेस्सं पडिहयं जाणित्ता गोसालस्स मंखलिपुत्तस्स सरीरगस्स किंचि आबाहं वा वाबाहं वा छविच्छेदं वा अकीरमाणं पासित्ता साउसिणं तेयलेस्सं पडिसाहरइ, पडिसाहरित्ता ममं एवं वयासी–से गतमेयं भगवं! गत-गतमेयं भगवं !
१५॥६६ तए णं से गोसाले मंखलिपुत्ते ममं अंतियाओ एयम8 सोच्चा निसम्म भीए तत्थे तसिए उव्विग्गे संजायभए ममं वंदइ-नमंसइ, वंदित्ता नमंसित्ता एवं वयासी-कहण्णं भंते ! संखित्तविउलतेयलेस्से भवति ?
१५१६६ तए णं अहं गोयमा ! गोसालं मंखलिपुत्तं एवं वयासी-जेणं गोसाला ! एगाए सणहाए कुम्मासपिडियाए एगेण य वियडासएणं छठेंछठेणं अणि क्खित्तेणं तवोकम्मेणं उड्डे बाहाओ पगिज्झिय-पगिज्झिय सूराभिमुहे आयावणभूमीए आयावेमाणे विहरइ। से णं अंतो छण्हं मासाणं संखित्तविउलतेयलेस्से भवइ ।।
१५७०
Jain Education International
For Private & Personal Use Only
www.jainelibrary.org
