________________
उत्तरज्झयणाणि
१२१ सू० ५२-करणसच्चेणं भंते ! जीवे किं जणयइ ?
करणसच्चेणं करणसत्ति जणयइ । करणसच्चे वट्टमाणे जीवे जहावाई तहाकारी यावि भवइ ॥
सू० ५३-जोगसच्चेणं भंते ! जीवे कि जणयइ ? जोगसच्चेणं जोगं विसोहेइ ॥ सू० ५४-मणगुत्तयाए णं भंते ! जीवे किं जणयइ ?
मणगुत्तयाए णं जीवे एगग्गं जणयइ । एगग्गचित्ते णं जीवे मणगुत्ते संजमाराहए भवइ ।
सू० ५५-- वयगुत्तयाए णं भंते ! जीवे किं जणयइ ?
वयगुत्तयाए णं निव्वियारं जणयइ। निव्वियारेणं जीवे वइगुत्ते अज्झप्पजोगज्झाणगुत्ते यावि भवइ॥
सू० ५६-कायगुत्तयाए णं भंते ! जीवे किं जणयइ ?
कायगुत्तयाए णं संवरं जणयइ संवरेणं कायगुत्ते पुणो पावासवनिरोह करेइ॥
सू० ५७–मणसमाहारणयाए णं भंते ! जीवे किं जणयइ ?
मणसमाहारणयाए णं एगग्गं जणयइ एगग्गं जणइत्ता नाणपज्जवे जणयइ। नाणपज्जवे जणइत्ता सम्मत्तं विसोहेइ मिच्छत्तं च निज्जरेइ॥
सू० ५८-वयसमाहारणयाए णं भंते ! जीवे किं जयणइ ?
वयसमाहारणयाए णं वयसाहारणदंसणपज्जवे विसोहेइ । वयसाहारणदंसणपज्जवे विसोहेत्ता सुलहबोहियत्तं निव्वत्तेइ दुल्लहबोहियत्तं निज्जरेइ ।
सू० ५६-कायसमाहारणयाए णं भंते ! जीवे कि जणयइ ?
कायसमाहारणयाए णं चरित्तपज्जवे विसोहेइ। चरित्तपज्जवे विसोहेत्ता अहक्खायचरित्तं विसोहेइ। अहक्खायचरित्तं विसोहेत्ता चत्तारि केवलिकम्मसे खवेइ । तो पच्छा सिज्झइ बुज्झइ मुच्चइ परिनिव्वाएइ सव्वदुक्खाणमंतं
सू० ६०-नाणसंपन्नयाए णं भंते ! जीवे किं जणयइ ? करेइ॥
नाणसंपन्नयाए" णं जीवे सव्वभावाहिगमं जणयइ । नाणसंपन्ने णं जीवे चाउरते संसारकंतारे न विणस्सइ।
जहा सूई ससुत्ता, पडिया वि न विणस्सइ । तहा जीवे ससुत्ते, संसारे न विणस्सइ ।।
नाणविणयतवचरित्तजोगे संपाउणइ ससमयपरसमय संघायणिज्जे भवइ॥
सू० ६१-दसणसंपन्नयाए णं भंते ! जीवे कि जणयइ ?
For Private & Personal Use Only
Jain Education International
www.jainelibrary.org
