Page Text
________________
१२०
चित्त-समाधि : जैन योग भत्तपच्चक्खाणेणं अणेगाइं भवसयाइं निरुभइ । सू० ४२-सब्भावपच्चवखाणेणं भंते ! जीवे किं जणयइ ?
सब्भावपच्चवखाणेणं अनियटि जणयइ । अनियट्टिपडिवन्ने य अणगारे चत्तारि केवलिकम्मसे खवेइ तं जहा वेयणिज्जं आउयं नामं गोयं । तो पच्छा सिज्झइ, बुज्झइ, मुच्चइ, परिनिव्वाएइ सव्वदुक्खाणमंतं करेइ॥
सू० ४३–पडिरूवयाए णं भंते ! जीवे किं जणयइ ?
पडिरूवयाए णं लाघवियं जणयइ । लहुभूए णं जीवे अप्पमत्ते पागडलिंगे पसलिंगे विसुद्धसम्मत्ते सत्तसमिइसमत्ते सव्वपाणभूयजीवसत्तेसु वीससणिज्जरूवे अप्पडिलेहे जिइंदिए विउलतवसमिइसमन्नागए यावि भवइ ।।
सू० ४४- वेयावच्चेणं भंते ! जीवे किं जणयइ ? वेयावच्चेणं तित्थयरनामगोत्तं कम्मं निबंधई। सू० ४५-सव्वगुणसंपन्नयाए णं भंते ! जीवे कि जणयइ ?
सव्वगुणसंपन्नयाए" णं अपुणरावत्ति जणयइ । अपुणरावत्ति पत्तए य णं जीवे सारीरमाणसाणं दुक्खाणं नो भागी भवइ ।।
सू० ४६-वीयरागयाए णं भंते ! जीवे कि जणयइ ?
वीयरागयाएणं नेहाणुबंधणाणि तण्हाणुबंधणाणि य वोच्छिदइ मणुन्नेसु सद्दफरिसरसरूवगंधेसु चेव विरज्जइ ।।
सू० ४७-खंतीए णं भंते ! जीवे किं जणयइ ? खंतीए णं परीसहे जिणइ॥ सू० ४८--मुत्तीए णं भंते ! जीवे कि जणयइ ?
मुत्तीए णं अकिंचणं जणयइ। अकिंचणे य जीवे अत्थलोलाणं अपत्थणिज्जो भवइ॥
सू० ४६-अज्जवयाए णं भंते ! जीवे कि जणयइ ?
अज्जवयाए णं काउज्जुययं भावुज्जुययं भासुज्जुययं अविसंवायणं जणयइ। अविसंवायणसंपन्नयाए णं जीवे धम्मस्स पाराहए भवइ ।
सू० ५०–मद्दवयाए णं भंते ! जीवे कि जणयइ !
मद्दवयाए णं अणुस्सियत्तं जणयइ । अणुस्सियत्ते णं जीवे मिउमद्दवसंपन्ने अट्ठ मयट्ठाणाई निट्ठवेइ ।।
सू० ५१-भावसच्चेणं भंते ! जीवे कि जणयइ ?
भावसच्चेण भावविसोहिं जणयइ । भावविसोहीए वट्टमाणे जीवे अरहंतपन्नत्तस्स धम्मस्स पाराहणयाए अब्भठूइ। अरहन्त पन्नत्तस्स धमस्स आराहणयाए अब्भुट्टित्ता परलोगधम्मस्स ाराहए हवइ ॥
Jain Education International
For Private & Personal Use Only
www.jainelibrary.org
| SR No. | 003671 |
| Book Title | Chitta Samadhi Jain Yog |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1986 |
| Total Pages | 288 |
| Language | Hindi |
| Classification | Book_Devnagari |
| File Size | 10 MB |