________________
उत्तरज्झयणाणि
अप्पडिहयं प्राणाफलं निवतेइ दाहिणभावं च णं जणयइ ॥
सू० १२-पडिक्कमणेणं भंते ! जीवे किं जणयइ ?
पडिक्कमणेणं वयछिद्दाई पिहेइ । पिहियवयछिद्दे पुण जीवे निरुद्धासवे असबलचरिते अट्ठसु पवयणमायासु उव उत्ते अपुहत्ते सुप्पणिहियए विहरइ ।
सू० १३--काउस्सग्गेणं भंते ! जीवे किं जणयइ ?
काउस्सग्गेणं तीयपडप्पन्नं पायच्छितं विसोहेइ । विसुद्धपायच्छित्ते य जोवे नियहिय अोहरिय भारोत्र भारवहे पसत्थज्झाणोवगए सुहंसुहेणं विहरइ ॥
सू० १४—पच्चक्खाणेणं भंते ! जीवे कि जणयइ ? पच्चक्खाणेणं पासवदाराइं निरुम्भइ ॥ सू० १५-थवथुइमंगलेणं भंते ! जीवे किं जणयइ ?
थवथइमंगलेणं नाणदसणचरित्तबोहिलाभं जणयइ। नाणदंसणचरित्तबोहिलाभसपन्ने य णं जावे अंतकिरियं कप्पविमाणोववत्तिगं आराहणं आराहेइ ।।
सू० १६-कालपडिलेहणयाए णं भंते ! जीवे कि जणयइ ? कालपडिलेहणयाए" णं नाणावरणिज्ज कम्म खवेइ । सू० १७–पायच्छित्तकरणेणं भंते ! जीवे किं जणयइ ?
पायच्छित्तकरणेणं पावकम्मविसोहिं जणयइ निरइयारे यावि भवइ । सम्मं च णं पायच्छित्तं पडिवज्जमाणे मग्गं च मग्गफलं च विसोहेइ अायारं च आयारफलं च पाराहेइ ॥
सू० १८-खमावणयाए णं भंते ! जीवे किं जणयइ ?
खमावणयाए णं पल्हायणभावं जगयइ। पल्हायणभावमुवगए य सव्वपाणभूयजोवसत्तेसु मित्तीभावमुप्पाएइ। मितीभावमुवगए यावि जीवे भावविसोहि काऊण निब्भए भवइ॥
सू० १६---सज्झाएण भंते ! जीवे किं जणयइ ? सज्झाएण" नाणावरणिज्ज कम्मं खवेइ । सू० २०-वाथणाए णं भंते ! जीवे किं जणयइ ?
वायणाए णं निज्जरं जणयइ । सुयस्स य प्रणासायणाए वट्टए। सुयस्स अणासायणाए वट्टमाणे तित्थधम्म अवलंबई। तित्थधम्म अवलंबमाणे महानिज्जरे महापज्जवसाणे भवइ॥
सू० २१--पडिपुच्छणयाए णं भंते ! जीवे किं जणयइ ?
Jain Education International
For Private & Personal Use Only
www.jainelibrary.org
