Chitta Samadhi Jain Yog

SR No.: 003671
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1986
Total Pages: 288
Language: Hindi
Classification: Book_Devnagari
File Size: 10 MB

Page 127

११६
चित्त-समाधि : जन योग पुणो भवग्गहणं नाइक्कमइ ॥
सू० ३–निव्वेएणं भंते ! जीवे किं जणयइ ?
निव्वेएणं दिव्वमाणुसतेरिच्छिएसु कामभोगेसु निव्वेयं हव्वमागच्छइ । सव्वविसएसु विरज्जइ सव्वविसएसु विरज्जमाणे प्रारंभपरिच्चायं करेइ । आरंभपरिच्चायं करेमाणे संसारमग्गं वोच्छिंदइ सिद्धिमग्गे पडिवन्ने य भवइ ।
सू० ४-धम्मसद्धाए णं भंते ! जीवे किं जणयइ ?
धम्मसद्धाए णं सायासोक्खेसु रज्जमाणे विरज्जइ । अगारधम्मं च णं चयइ अणगारे णं जीवे सारीरमाणसाणं दुक्खाणं छेयणभेयणसंजोगाईणं वोच्छेयं करेइ अब्वाबाहं च सुहं निव्वत्तइ ।।
सू० ५-गुरुसाहम्मियसुस्सूसणयाए णं भंते ! जीवे किं जणयइ ?
गुरुसाहम्मियसुस्सूसणयाए णं विणयपडिवत्ति जणयइ। विणयपडिवन्ने य णं जीवे अणच्चासायणसीले नेरइयतिरिक्खजोणियमणुस्सदेवदोग्गईग्रो निरंभइ। वण्णसंजलणभत्तिबहुमाणयाए मणुस्सदेवसोग्ग ईयो निबंधइ सिद्धि सोग्गइं च विसोहेइ । पसत्थाई च णं विणयमूलाई सव्वकज्जाइं साहेइ । अन्ने य बहवे जीवे विणइत्ता भवइ॥
सू०६-आलोयणाए णं भंते ! जीवे किं जणयइ ?
आलोयणाए णं मायानियाणमिच्छादसणसल्लाणं मोक्खमग्गविग्घाणं अणंतसंसारवद्धणाणं उद्धरणं करेइ। उज्जुभावं च जणयइ । उज्जुभावपडिवन्ने य णं जीवे अमाई इत्थीवेयनपुंसगवेयं च न बंधइ । पुव्वद्धं च निज्जरेइ ।
सू० ७-निंदणयाए णं भंते ! जीवे कि जणयइ ?
निंदणयाए णं पच्छाणुतावं जणयइ । पच्छाणुतावेणं विरज्जमाणे करणगुणसे ढिं पडिवज्जइ। करणगुणसेढिं पडिवन्ने य णं प्रणगारे मोहणिज्ज कम्म उग्घाएइ॥
सू० ८-गरहणयाए णं भंते ! जीवे किं जणयइ ?
गरहणयाए णं अपुरक्कारं" जणयइ । अपुरक्कारगए णं जीवे अप्पसत्थेहितो जोगेहिंतो नियत्तेइ पसत्थजोगपडिवन्ने य णं अणगारे अणंतघाइपज्जवे खवेइ ।
सू० ६--सामाइएणं भंते! जीवे किं जणयइ ? सामाइएणं सावज्जजोगविरइं जणयइ॥
सू० १०-चउव्वीसत्थएणं भंते ! जीवे किं जणयइ ? चउव्वीसत्थएणं दंसणविसोहिं जणयइ ।। सू० ११-वंदणएणं भंते ! जीवे किं जणयइ ? वन्दणएणं नीया गोयं कम्मं खवेइ । उच्चागोयं निबंधइ । सोहग्गं च णं