________________
११४
चित्त-समाधि : जैन योग
१३. अोहोवहोवग्गहियं', भंडगं दुविहं मुणी ।
गिहंतो निक्खिवंतो य, पउंजेज्ज इमं विहिं ।। १४. चक्खुसा पडिलेहित्ता, पमज्जेज्ज जयं जई ।
पाइए निक्खिवेज्जा वा दुहमोवि समिए सया ।। १५. उच्चारं पासवणं, खेलं सिंघाणजल्लियं ।
आहारं उवहिं देहं, अन्नं वावि तहाविहं । १६. अणावायमसंलोए, अणावाए चेव होइ संलोए।
आवायमसलोए, आवाए चेय संलोए ।। १७. अणावायमसंलोए, परस्सऽणुवघाइए ।
समे अज्झसिरे यावि, अचिरकालकयंमि य ।। १८. वित्थिपणे दूरमोगाढे, नासन्ने बिलवज्जिए ।
तसपाणबीयरहिए, उच्चाराईणि वोसिरे ।। १६. एयायो पंच समिईयो, समासेण वियाहिया ।
एत्तो य तो गुत्तीग्रो, वोच्छामि अणुपुव्वसो ।। २०. सच्चा तहेव मोसा य, सच्चामोसा तहेव य ।
चउत्थी असच्चमोसा, मणगुत्ती चउ विवहा ।। २१. संरम्भसमारम्भे, प्रारम्भे य तहेव य ।
- मणं पवत्तमाणं तु, नियत्तेज्ज जयं जई ।। २२. सच्चा तहेव मोसा य, सच्चामोसा तहेव य ।
चउत्थी असच्चमोसा, वइगुत्ती चउव्विहा ॥ २३. संरम्भसमारम्भे, प्रारम्भे य तहेव य ।
वयं पवत्तमाणं तु, नियत्तेज्ज जयं जई ।। २४. ठाणे निसीयणे चेव, तहेव य तुयट्टणे ।
उल्लंघणपल्लंघणे, इंदियाण य जुंजणे ॥ २५. संरम्भसमारम्भे, प्रारम्भम्मि तहेव य । ___ कायं पवत्तमाणं तु, नियत्तेज्ज जयं जई ।। २६. एयायो पंच समिईयो, चरणस्स य पवत्तणे ।
गुत्ती नियत्तणे वुत्ता, असुभत्थेसु सव्वसो । २७. एया पवयणमाया, जे सम्म आयरे मुणी ।
से खिप्पं सव्वसंसारा, विप्पमुच्चइ पंडिए ।
Jain Education International
For Private & Personal Use Only
www.jainelibrary.org
