________________
पद्मपुराणम्।
४२१
एकविंशोत्तरशतं पर्व।
अनुकूलो ववौ वायुः पंचवर्णी सुसौरभाम् । पुष्पवृष्टिममुंचन्त प्रमथाः प्रमदान्विताः ॥ २०॥ चित्रश्रोत्रहरो जज्ञे पुष्करे दुंदुभिस्वनः । अप्सरोगणसंगीतप्रवरध्वनिसंगतः ॥२१॥ तुष्टाः कन्दर्पिणो देवाः कृतानेकविधस्वनाः । चकार बहुलं व्योनि ननृतुश्च समाकुलम् ॥ २२ ॥ अहो दानमहो दानमहो पात्रमहो विधिः । अहो देयमहो दाता साधु साधु परं कृतम् ॥ २३ ।। वद्धेस्व जय नंदेतिप्रभृतिः परमाकुलः । विहायोमंडपव्यापी निःस्वनस्पैदशोऽभवत् ॥ २४ ॥ नानारत्नसुवर्णादिपरमद्रविणात्मिका । पपात वसुधारा च द्योतयन्ती दिशो दश ॥ २५ ॥ पूजामवाप्य देवेभ्यो मुनेर्देशवतानि च । विशुद्धदर्शनो राजा पृथिव्यामाप गौरवम् ॥ २६ ॥
एवं सुदानं (नी) विनयो (यी) सुपात्रे भक्तिप्रणम्रो नपतिः स्मजानिः ? (सराज्ञिः)
वहन्नितान्तं परमं प्रमोदं मनुष्यजन्माऽऽप्तफलं विवेद ॥ २७ ॥ रामोऽपि कृत्वा समयोदितार्थ विविक्तशय्यासनमध्यवर्ती ।
तपोऽतिदीप्तो विजहार युक्तं महीं रविः प्राप्त इव द्वितीयः ॥ २८ ॥ इति श्रीपद्मपुराणे श्रीरविषेणाचार्यप्रोक्ते दानप्रसंगाभिधानं नामैकविंशोत्तरशतं पर्व ।। १२१ ।।
Jain Education International
For Private & Personal Use Only
www.jainelibrary.org
