________________
३६०
Jain Education International
पद्मपुराणम् ।
ततस्तौ रामलक्ष्मीशौ समुत्पन्न कुतूहलौ । ऋद्धया परमया युक्तान् सर्वान् प्राहिणुतां सुतान् ||४|| ततः कुमारधीरास्ते कृत्वाऽग्रे लवणांकुशौ । प्रययुः कांचनस्थानं सुप्रेमाणः परस्परम् ॥ ५ ॥ विमानशतमारूढा विद्याधरगणावृताः । श्रिया देवकुमाराभा वियन्मार्ग समागताः ॥ ६ ॥ आपूर्यमाणसत्सैन्याः पश्यन्तो दूरगां महीम् | कांचनस्यंदनस्याऽऽयुः पुटभेदनमुत्तमम् ॥ ७ ॥ यथा द्वे अपि श्रेण्यौ निविष्टे तत्र रेजतुः । सदसीव सुधर्मायां नानालंकारभूषिते ॥ ८ ॥ समस्तविभवोपेता नरेन्द्रास्तत्र रेजिरे । विचित्रकृतसंचेष्टास्त्रिदशा इव नंदने ॥ ९ ॥ तत्र कन्ये दिनेऽन्यस्मिन्प्रशस्ते कृतमंगले । निर्जग्मतुर्निनावासाच्छ्रीलक्ष्म्याविव सद्गुणे ॥१०॥ देशतः कुलतो वित्ताच्चेष्टितान्नामधेयतः । ताभ्यामकथयत्सर्वान् कंचुकी जगतीपतीन् ॥ ११ ॥ प्लवंगहरिशार्दूलवृषनागादिकेतनान् | विद्याधरान् सुकन्ये ते आलोकेतां शनैः क्रमात् ।। १२ ।।
निश्चित्य ते प्राप्ता वैलक्ष्यं विहितत्विषः । दृश्यमानाः समारूढास्तुलां संदेहविग्रहाम् ||१३|| द्रक्ष्यन्ते ये तु ते स्वस्य सज्जयन्तो विभूषणम् । नाज्ञासिषुः क्रियाकृत्यास्तिष्ठाम इति चंचला १४ प्रवरिष्यति कं त्वेषा रूपगर्वज्वराकुला । मन्येऽस्माकमिति प्राप्तश्चिन्तां ते चलमानसाः ।। १५ ।। गृहीते किं विजित्यैते सुरासुरजगद्वयम् । पताके कामदेवेन लोकोन्मादन कारणे ।। १६ ।।
दशाधिकशतं पर्व
For Private & Personal Use Only
-1
www.jainelibrary.org
