________________
२८४
चतुरुत्तरशतं पर्व |
कस्याश्चिदन्यवनिताकर्णाभरणसंगतः । विच्छिन्नपतितो हारः कुसुमांजलितां गतः ॥ ९४ ॥ बभूवुर्दृष्टयस्तासां निमेषपरिवर्जिताः । गतयोरपि कासांचित्तयोर्दूरं तथा स्थिताः ॥ ९५ ॥ इति वरभवनाद्विस्त्रीलतामुक्तपुष्पप्रकरगलितधूलीधूसराकाशदेशाः ।
परमविभवभाजो भूभुजो राघवाद्याः प्रविविशुरतिरम्याः मंगलं मंगलाढ्यम् ॥९६॥ अनभिसंहितमीदृशमुत्तमं दयितजं तु समागमनोत्सवम् ।
भजति पुण्यरविप्रतिबोधितप्रवरमानसचारिरुहो जनः ॥ ९७ ॥
इति श्रीरविषेणाचार्यप्रोक्ते पद्मपुराणे रामलवणांकुशसमागमाभिधानं नाम त्र्युत्तरशतं पर्व ॥ १०३ ॥
पद्मपुराणम् ।
अथ चतुरुत्तरशतं पर्व |
अथ विज्ञापितोऽन्यस्मिन्दिने हलधरो नृपः । मरुनंदन सुग्रीवविभीषणपुरःसरैः ॥ १ ॥ नाथ प्रसीद विषयेऽन्यस्मिञ्जनकदेहजा । दुःखमास्ते समानेतुं तामादेशो विधीयताम् ॥ २ ॥ निःश्वस्य दीर्घमुष्णं च क्षणं किंचिद्विचिन्त्य च । ततो जगाद पद्माभो वाष्पश्यामितदिङ्मुखः ३
Jain Education International
For Private & Personal Use Only
www.jainelibrary.org
