________________
पद्मपुराणम् ।
१९९
चतुर्णवतितमं पर्व ।
विमलप्रभनामाऽभूत्पद्मावत्यां शरीरजः । तनयोऽर्जुनवृक्षाख्यो वनमालासमुद्भवः ॥ ३३ ॥ अतिर्यस्य तनया श्रीकेशिनमस्त च । आत्मजो भगवत्याश्च सत्यकीर्त्तिः प्रकीर्त्तितः ||३४|| सुपार्श्वकीर्त्तिनामानं सुतं प्राप मनोरमा । सर्वे चैते महासत्वाः शस्त्रशास्त्रविशारदाः ।। ३५ ।। नखमांसवदेतेषां भ्रातृणां संगतिर्दृढा । सर्वत्र शस्यते लोके समानोचितचेष्टिता ॥ ३६ ॥ अन्योन्यहृदयासीनाः प्रेमनिर्भरचेतसः । अष्टौ दिवीव वसवो रेमिरे स्वप्सितं पुरि ॥ ३७ ॥ पूर्व जनितपुण्यानां प्राणिनां शुभचेतसाम् । आरभ्य जन्मतः सर्व जायते सुमनोहरम् ॥ ३८ ॥ एवं च कार्त्स्न्येन कुमारकोटयः स्मृता नरेंद्रप्रभवाश्चतस्रः ।
I
कोटयर्द्धयुक्ताः पुरि तत्र शक्त्या ख्याता नितांतं परया मनोज्ञाः ।। ३९ ।। नानाजनपदनिरतं परिगतमुकुटोत्तमांगकं नृपचक्रम् ।
षोडशसहस्रसंख्यं बलहरिचरणानुगं स्मृतं रवितेजः ॥ ४० ॥
इत्यार्षे रविषेणाचार्यप्रोक्ते पद्मपुराणे रामलक्ष्मणविभूतिदर्शनीयाभिधानं नाम चतुर्णवतितमं पर्व ॥ ९४ ॥
Jain Education International
For Private & Personal Use Only
www.jainelibrary.org
