________________
षष्टितमं पर्व |
शशिमंडलसंकाशछत्रछायानुसेवितः । मुमोच शरसंघातं किष्किंधाधिपतिं प्रति ॥ ८२ ॥ सोऽप्याकर्णसमाकृष्यन्वाणान्नादोपलक्षितान् । निजरक्षमहारक्षश्चिक्षेपेन्द्रजितं प्रति ॥ ८३ ॥ तेन वाणसमूहेन संततेन निरंतरम् । जातं नभस्तलं सर्वं मूर्तियुक्तमिवापरम् ॥ ८४ ॥ मेघवाहनवीरेण प्रभामंडलसुन्दरः । आहूतो वज्रनकश्च विराधितमहीभृता ।। ८५ । विराधितनरेन्द्रेण वज्रनक्रनरोत्तमः । राजवक्षसि चक्रेण भासुरेणाभिपातितः ॥ ८६ ॥ ताडितो वज्रनक्रेण सोऽपि चक्रेण वक्षसि । विना हि प्रतिदानेन महती जायते त्रपा ॥ ८७ ॥ चक्रसन्नाहं निष्पेष्य जन्मवह्निकणोत्करैः । चचदुल्कास्फुलिंगौघपिंगतां गगनं गतं ॥ ८८ ॥ लंकानाथस्य पुत्रेण निरस्त्रः सूर्यनन्दनः । कृतः संग्रामसौंडेन संग्रामादनिवर्तकः ॥ ८९ ॥ तेनापि तस्य वज्रेण सर्वशस्त्रं निराकृतम् । पुण्यानुकूलितानां हि नैरंतर्य न जायते ॥ ९० ॥ अवतीर्य ततः क्रुद्धो नागादिन्द्रजितो द्रुतम् । सिंहस्यन्दनमारुह्य पिंजररीकृत पुष्करम् ॥ ९१ ॥ समाहितमतिर्नानाविद्यास्त्रगतिपंडित: । योद्धुमभ्युद्यतो विभ्रद्रसन्नवमिवाहवे ।। ९२ ।। अस्त्रं घनौघनिर्घोषं संप्रयुज्य सवारुणम् । दिशा किष्किंधराजस्य चकारालोकवर्जिता ॥ ९३ ॥ तेनापि पवनास्त्रेण कृतछत्रध्वजादिना । तदस्त्रं वारुणं कापि नीतं तूलोत्करोपमम् ॥ ९४ ॥
पद्मपुराणम् ।
Jain Education International
४००
For Private & Personal Use Only
www.jainelibrary.org
