________________
पद्मपुराणम् ।
२२४
द्विचत्वारिंशत्तम पर्व। चविभिर्धातकीभिश्च कुषकैरतिमुक्तकैः । पूगैस्तांबूलवल्लीभिरेलाभी रक्तचंदनैः ॥ १९ ॥ वेत्रैः श्यामलताभिश्च मेष,गैर्हरिद्रुभिः । पलाशैः स्पंदनैर्बिल्वैश्विरबिल्वैः समेथिकैः ॥ २० ॥ चंदनैररकैश्च शाल्मलीवीजकैस्तथा । एभिरन्यैश्व भूरुद्भिस्तदरण्यं विराजितं ॥ २१ ॥ सत्यैबहुप्रकारैश्च स्वयंभूतै रसोत्तमैः । पुंड्रेक्षुभिश्च विस्तीर्णाः प्रदेशास्तस्य संकुलाः ॥ २२ ॥ चित्रपादपसंघात नावल्लीसमाकुलैः । अशोभत वनं वाढं द्वितीयमिव नंदनं ॥ २३ ॥ मंदमारुतनिक्षिप्तः पल्लवैरतिकोमलैः । ननर्ते वाड़वी तोषा पद्माद्यागमजन्मनः ॥ २४ ॥ वायुतो हीयमाणेन रजसाभ्युत्थितेव च । आलिलिंगे च सद्गंधवाहिना नित्ययायिना ॥ २५ ॥ अगायदिव भंगाणां झंकारेण मनोहरं । जहासेव सितं रम्यं शैलनिसरशीकरैः ॥ २६ ॥ जीवं जीवकभेरुंडहंससारसकोकिलाः । मयूरश्येनकुरराः शुककौशिकशारिकाः ॥ २७ ॥ कपोतभृगराजश्च भारद्वाजादयस्तथा । अरमंत द्विजास्तस्मिन् प्रयुक्तकलनिस्वनाः ॥ २८ ॥ कोलाहलेन रम्येण तद्वनं तेन संभ्रमि । जगाद स्वागतमिव प्राप्तकर्तव्यदक्षिणं ॥ २९ ॥ कुतः किं राजपुत्रीति कस्मिन्नागच्छ साध्विति । इति कोमलभारत्या संजजल्पुरिव द्विजाः॥३०॥ सितासितरुणांभोजसंछत्रैरतिनिर्मलैः । सरोभिर्वीक्षितुमिव प्रवुतं सुकुतूहलात् ॥ ३१ ॥
Jain Education International
For Private & Personal Use Only
www.jainelibrary.org
