________________
दोय-तीन बार कह्यां तापस कोप्यो, धिगधिगायमान हवो तातो रे । आतापना भूम थी पाछै फिरियो, कीधी तेजस समुदघातो रे॥११॥ तेज लेस्या काढी तिण सरीर बारै, गोसाला नै बालण काजो रे । मौनै खीजाय नै ओ जीवतो जाओ, तो बाल भसम करूं आजो रे ।।१२।। जब म्है गोतम ! लब्ध फोरव नै, सीतल लेस्या म्है मैली रे। गोसाला री अणुकंपा नै अर्थे, तेजू लेस्या नै पाछी ठेली रे ।।१३।। सीतल लेस्या थी तेजू लेस्या हणाणी, गोसालो पिण बलियो नांहीं रे । जब वेसायण उपियोग देई नै, मोनै जाण लियो उण ताही रे ।।१४।। जब वेसायण तपसी इम बोल्यो, जाण्या-जाण्या हे भगवान ! थाने रे । थे गोसाला नै बलवा न दीधो, ते खबर पड़ेगी म्हांनै रे ॥१५॥ जब गोयमा ! मोमै गोसाले पूछ्यो, जू को रो सेज्यातर कहै कांई रे । जाण्या-जाण्या हे भगवान! आपने जाण्या, ते मोनै खबर पड़ी नांहीं रे ।।१६।।
दूहा तिण काले म्है गोयमा ! कह्यो गोसाला ने आम । तं मो छानै तापस कन, तिणनें जाये पूछचो थै आम ॥१॥ तं मुनी अमुनी कदाग्रही, के सेज्यातर जूआं रो ठाम ? तब वेसायण थारा वचन नै, भलोई न जाण्यो ताम ॥२॥ जब दोय तीन बार तेहन, खिजायो बारूंबार । जब वेसायण तो ऊपरे, कोप्यो सिघर अपार ॥३॥ तोनं बालण कारणे, तेजू लेस्या मेली तिण काल । जब म्है थारी अणुकंपा आणनै, सीतल लेस्या म्हेली ततकाल ॥४॥ तूं नहीं बलियो तेहथी, मोनै ओलख कीधो याद । जाण्या-जाण्या हे भगवान ! आपन, न बल्यो आप तणे परसाद ।।५।। ए वचन गोसाले सांभल्यो, भय उपनों मन मांय । ए तेज लेस्या किम नीपज? मौनें पूछ्यो सीस नमाय ॥६॥ जब म्है गोयम ! तिण समे, कही गोसाला नै एम। तेज़ लेस्या इणविध नीपजै, ते सुणजो धर पेम ।।७।। बेले-बेले निरंतर तप करै, पारणे मूठी उड़द आहार । ऊनो पाणी एक पूसली पीए, छ मास लगै एकधार ।।८।। सूर्य साहमी लेवे आतापना, ऊंचो कर-कर बांहि । तिणने छ मास रै छेहरे, तेज़ लेस्या ऊपजै तिण मांहि ।।६।।
३९२. भगवती जोड
Jain Education Intemational
For Private & Personal Use Only
www.jainelibrary.org
