________________
गुणग्राम किया म्हारा अति घणां जी, ते पिण वारूं जी वार । भाव सहित मोनै वांदिया जी, भाव कियो नमसकार ॥५।। मौन रसोड़ाघर माहे ले जाय नै जी, प्रतिलाभ्या च्यारूई आहार । दान देतां ने दियां पछै जी, पामियो हरष अपार ।।६।। दरब दातार दोन सुध था जी, तीजो पातर सुध जाण । वले सुध तीन करण तीन जोग रोजी, इणरै इसड़ो भिलियो जोग आण।।७।। इणविध मोने प्रतिलाभियो जी, असणादिक च्यारूंई आहार । तिहां देव आऊखो तिण बांधियो जी, वले कीधो तिण परत संसार ।।८।। तिहां सुगंध पाणी देव वरसावियो जी, बले बूठा पंचवर्ण फूल । वले बिरखा करी सोवन तणी जी, बूठा बले वसतर अमूल || देव बजाई देवदंदभी जी, आकास रै अंतर ठाम । मोटे सब्दे घोष पारियो जी, दान रा किया गुणग्राम ॥१०॥ धिन-धिन करै छै देवता जी, धिन-धिन करै नर-नार। विजै गाथापति नै कहै जी, इण सफल कियो अवतार ॥११॥ वले राजग्रही नगरी मझे जी, घणां लोक करै गुणग्राम । इण जीतब जनम सुधारियो जी, प्तिण साध प्रतिलाभिया ताम ।।१२।। पांच दरब परगट हुवा जी, ओ पिण लोकां इचरज देख । तिणसू ठाम-ठाम बातां करे जी, विवरा सुध वशेख ।।१३॥
ए बात गोसाले सांभली, घणां लोकां रे पास । ते सांसो काढण भणी, चाल्यो आण हुलास ॥१॥ तिण विज तणो घर छै तिहां, आयो गोसालो ताम । सोनइयादिक फूलां तणां, गिज दीठा तिण ठाम ।।२।। तिण विजय तणां घर मांहि थी, मौन नीकलतो देख । जब इण म्हारा गुण जाण नै, हरषत हुवो बशेख ॥३।। मुझने आय वंदणा करी, बोल्यो जोड़ी हाथ । थे धर्माचारज मांहरा, हुं सिष थारो सामीनाथ ।।४।। ए वचन सुणे म्है गोयमा ! इणने आदर न दियो ताम । वले भलो न जाण्यो एहने, मून साझी तिण ठाम ॥५॥ तिवार पछ हं गोयमा ! तिहां पाछो आयो चलाय । बीजो मासखमण मैं पचखियो, तंतूवायसाला में आय॥६।।
गोसाला री चौपई, ढा०५ ३८७
Jain Education International
For Private & Personal Use Only
www.jainelibrary.org
