________________
सूत्रकृताग सूत्र
मूल पाठ अहावरे तच्चे पुरिसजाए ईसरकारणिए इति आहिज्जइ। इह खलु पाईणं वा ६ संतेगइया मणुस्सा भवंति, अणुपुवेणं लोयं उववन्ना, तं जहाआरिया वेगे जाव तेसि च णं महंते एगे राया भवइ, जाव सेणावइपुत्ता। तेसि च णं एगइए सड्ढी भवइ, कामं तं समणा य माहणा य संपहारिसु गमणाए, जाव जहा मए एस धम्मे सूयक्खाए सुपन्नत्ते भवइ।
इह खलु धम्मा पुरिसादिया, पुरिसोत्तरिया, पुरिसप्पणीया पुरिससंभूया, पुरिसपज्जोइया, पुरिसमभिसमण्णागया पुरिसमेव अभिभूय चिट्ठति । से जहाणामए गंडेसिया सरीरे जाए संवुड्ढे सरीरे अभिसमण्णागए सरीरमेव अभिभूय चिट्ठइ, एवमेव धम्मा पुरिसादिया जाव पुरिसमेव अभिभूय चिट्ठति । से जहाणामए अरई सिया सरीरे जाया, सरीरे संवुड्ढा, सरीरे अभिसमण्णागया सरीरमेव अभिभूय चिट्ठइ, एवमेव धम्मावि पुरिसादिया जाव पुरिसमेव अभिभूय चिट्ठति । से जहाणामए वम्मिए सिया पुढविजाए पुढवि संवुड्ढे पुढवि अभिसमण्णागए पुढविमेव अभिभूय चिठ्ठइ, एवमेव धम्मावि पुरिसादिया जाव पुरिसमेव अभिभूय चिट्ठइ । से जहाणामए रुक्खे सिया पुढविजाए पुढविसंवुड्ढे पुढवि अभिसमण्णागए पुढविमेव अभिभूय चिट्ठइ, एवमेव धम्मावि पुरिसादिया जाव पुरिसमेव अभिभूय चिट्ठति । से जहाणामए पुक्खरिणी सिया पुढविजाया जाव पुढविमेव अभिभूय चिट्ठइ, एवमेव धम्मावि पुरिसादिया जाव पुरिसमेव अभिभूय चिट्ठति । से जहाणामए उदगपुक्खले सिया उदगजाए जाव उदगमेव अभिभूय चिट्ठइ, एवमेव धम्मावि पुरिसादिया जाव पुरिसमेव अभिभूय चिट्ठति । से जहाणामए उदगबुम्बुए सिया उदगजाए जाव उदगमेव अभिभूय चिट्ठइ, एवमेव धम्मावि पुरिसादिया जाव पुरिसमेव अभिभूय चिह्रति ।
___ जंपि य इमं समणाणं णिग्गंथाणं उद्दिट्ठं पणीयं वियंजियं दुवालसंगं गणिपिडयं, तं जहा-आयारो सूयगडो जाव दिठिवाओ। सव्वमेयं मिच्छा। ण एवं तहियं ण एवं आहातहियं । इमं सच्चं, इमं तहियं, इमं आहातहियं । ते एवं सन्न कुव्वंति, ते एवं सन्न संठवेंति, ते एवं सन्न सोवठ्ठवयंति । तमेवं ते तज्जाइयं दुक्खं गाइउटति सउणी पंजरं जहा। ते णो एवं विप्पडिवेदेति, तं जहा-किरियाइ वा जाव अणिरएइ वा । एवमेव ते विरूवरूवेहि
Jain Education International
For Private & Personal Use Only
www.jainelibrary.org
