________________
सूत्रकृतांग सूत्र पुक्खरिणी तीसे पुक्खरिणीए तोरे ठिच्चा पासइ तं महं एगं पउमवरपोंडरीयं अणुपुवुट्ठियं पासादीयं जाव पडिरूवं । तं च एत्थ एगं पुरिसजायं पासइ पहीणतीरं अपत्ते पउमवरपोंडरीयं णो हव्वाए णो पाराए, अन्तरा पोक्खरिणीए सेयंसि णिसन्न। तए णं से पुरिसे तं पुरिसं एवं वयासो-अहो णं इमे पुरिसे अखेयन्ने अकुसले अपंडिए अवियत्ते अमेहावी बाले णो मग्गत्थे णो मग्गविऊ णो मग्गस्स गइपरक्कमण्णू जन्न एस पुरिसे, अहं खेयन्ने कुसले जाव पउमवरपोंडरीयं उन्निखिस्सामि णो य खलु एवं पउमवरपोंडरीयं एवं उन्निक्खेयव्वं, जहा णं एस पुरिसे एवं मन्ने , अहमंसि पुरिसे खेयन्ने कुसले पंडिए वियत्ते मेहावी अबाले मग्गत्थे मग्गविऊ मग्गस्स गइपरक्कमण्णू अहमेयं पउमवरपोंडरीयं उन्निक्खिस्सामि त्ति कटु इइ बुच्चा से पुरिसे अभिक्कमे तं पुक्खरिणि, जावं जावं च णं अभिक्कमेइ तावं तावं च णं महंते उदए महंते सेए पहीणे तीरं अपत्ते पउमवरपोंडरीयं णो हव्वाए णो पाराए अंतरा पोक्खरिणीए सेयंसि णिसन्ने दोच्चे पुरिसजाए।सू० ३॥
अहावरे तच्चे पुरिसजाए, अह पुरिसे पच्चत्थिमाओ दिसाओ आगम्म तं पुक्खरिणी, तीसे पुक्खरिणीए तीरे ठिच्चा पासइ तं एगं महं पउमवरपोंडरीयं अणुपुटवुठ्ठियं जाव पडिरूवं, ते तत्थ दोन्नि पुरिसजाए पासइ पहीणे तीरं अपत्ते पउमवरपोंडरीयं णो हव्वाए णो पाराए जाव सेयंसि णिसन्ने, तए णं से पुरिसे एवं वयासी-'अहोणं इमे पुरिसा अखेयन्ना अकुसला अपंडिया अवियत्ता अमेहावी बाला णो मग्गत्था णो मग्गविऊ णो मग्गस्स गइपरक्कमण्णू जं णं एए पुरिसा एवं मन्ने, अम्हे एयं पउमवरपोंडरीयं उण्णिक्खिस्सामो, नो य खलु एयं पउमवरपोंडरीयं एवं उन्निक्खेयव्वं जहा णं एए पुरिसा मन्ने, अहमंसि पुरिसे खेयन्ने कुसले पंडिए वियत्ते मेहावी अबाले मग्गत्थे मग्गविऊ मग्गस्स गइपरक्कमण्णू अहमेयं पउमवरपोंडरीयं उन्निक्खिस्सामि त्ति कटु इइ बुच्चा से पुरिसे अभिक्कमे तं पुक्खरिणि जावं जावं च णं अभिक्कमे तावं तावं च णं महंते उदए, महंते सेए जाव अंतरा पोक्खरिणीए सेयंसि णिसन्ने, तच्चे पुरिसजाए ॥सू० ४॥
___ अहावरे चउत्थे पुरिसजाए अह पुरिसे उत्तराओ दिसाओ आगम्म तं पुक्खरिणि, तीसे पुक्खरिणीए तीरे ठिच्चा पासइ तं महं एगं पउमवरपोंडरीयं अणुपुवुठ्ठियं जाव पडिरूवं, ते तत्थ तिन्नि पुरिसजाए पासइ पहीणे तीरं
Jain Education International
For Private & Personal Use Only
www.jainelibrary.org
