________________
सप्तम अध्ययन : नालन्दीय
४३६ तत्थ आरेणं चेव जे तसा पाणा, जेहि समणोवासगस्स आयाणसो आमरणंताए दंडे णिक्खित्ते तेसु पच्चायति । तेसु समणोवासगस्स सुपच्चक्खायं भवइ, ते पाणा वि जाव अयंपि भेदे से णो णेयाउए भवइ।
तत्थ जे ते आरेणं जे थावरा पाणा, जेहि समणोवासगस्स अट्ठाए दंडे अणिक्खित्ते, अणट्ठाए दंडे णिक्खित्ते । ते तओ आउं विप्पजहंति विष्यजहिता ते तत्थ आरेणं चेव जे थावरा पाणा, जेहि समणोवासगस्स अट्ठाए दंडे अणिक्खित्ते, अणट्ठाए णिक्खित्ते, तेसु पच्चायति । तेहि समणोवासगस्स अठाए अणठाए ते पाणा वि जाव अयंपि भेदे से णो णेयाउए भवइ।
तत्थ जे ते आरेणं थावरा पाणा, जेहि समणोवासगस्स अट्ठाए दंडे अणिक्खित्ते, अणट्ठाए दंडे णिक्खित्ते, तओ आउं विप्पजहंति विप्पजहित्ता तत्थ परेणं जे तसथावरा पाणा जेहि समणोवासगस्स आयाणसो आमरणंताए दंडे णिक्खित्ते तेसु पच्चायति तेहिं समणोवासगस्स सुपच्चक्खायं भवइ । ते पाणा विं जाव अयंपि भेदे से णो णेयाउए भवइ ।
तत्थ जे ते परेणं तसथावरा पाणा, जेहि समणोवासगस्स आयाणसो आमरणंताए दंडे णिक्खित्ते ते तओ आउं विप्पजहंति विप्पजहित्ता, तत्थ आरेणं जे तसा पाणा जेहि समणोवासगस्स आयाणसो आमरणंताए दंडे णिक्खित्ते तेसु पच्चायंति, तेहिं समणोवासगस्स सुपच्चक्खायं भवइ, ते पाणा वि जाव अयंपि भेदे से णो णेयाउए भवइ।
तत्थ जे ते परेणं तसथावरा पाणा जेहिं समणोवासगस्स आयाणसो आमरणताए दंडे णिक्खित्ते ते तओ आउं विप्पजहंति विप्पजहित्ता तत्थ आरेणं जे थावरा पाणा, जेहि समणोवासगस्स अट्ठाए दंडे अणिक्खित्ते अणटठाए णिक्खित्ते तेस पच्चायंति, जेहिं समणोवासगस्स अट्ठाए अणिक्खित्ते, अणट्ठाए णिक्खित्ते जाव ते पाणा वि जाव अयंपि नेदे से णो याउए भवइ।
तत्थ जे ते परेणं तसथावरा पाणा जेहि समणोबासगस्स आयाणसो आमरणंताए दंडे णिक्खित्ते ते तओ आउं विप्पजहंति विप्पजहित्ता ते तत्थ परेणं चेव जे तसथावरा पाणा, जेहि समणोवासगस्स आयाणसो आमरणंताए दंडे णिक्खित्ते तेसु पच्चायति । जेहिं समणोवासगस्स सुपच्चक्खायं भवइ । ते पाणा वि जाव अयंपि भेदे से णो णेयाउए भवइ।
भगवं च ण उदाहु-णं एवं भूयं, ण एयं भव्वं, ण एवं भविस्संति, जण्णं तसा पाणा वोच्छिजिहिंति, थावरा पाणा भविस्संति, थावरा पाणा
Jain Education International
For Private & Personal Use Only
www.jainelibrary.org
