Page Text
________________
४१४
सूत्रकृतांग सूत्र संसुद्ध जयाउयं सल्लकत्तणं सिद्धिमग्गं मुत्तिमग्गं निज्जाणमग्गं निव्वाणमग्गं अवितहमसंदिद्ध सव्वदुक्खपहीणमग्गं एत्थं ठिया जीवा सिझंति बुझंति मुच्चंति परिणिव्वायंति सव्वदुक्खाणमंतं करेंति, तमाणाए तहा गच्छामो, तहा चिट्ठामो, तहा णिसियामो, तहा तुयट्ठामो, तहा मुंजामो, तहा भासामो, तहा अब्भुट्ठामो, तहा उट्ठाए उठेमोत्ति पाणाणं भूयाणं जीवाणं सत्ताणं संजमेणं संजमामोत्ति वएज्जा ? हंता वएज्जा । कि ते तहप्पगारा कप्पंति पव्वावित्तए ? हंता कप्पंति, कि ते तहप्पगारा कप्पति मुंडावित्तए ? हता कप्पंति, कि ते तहप्पगारा कप्पंति सिक्खावित्तए ? हंता कप्पंति, किं ते तहप्पगारा कप्पति उवठ्ठावित्तए ? हंता कप्पति । तेसि च णं तहप्पगाराणं सव्वपाणेहिं जाव सव्वसत्तेहिं दंडे णिक्खित्ते ? हंता णिक्खित्ते । से णं एयारूवेणं विहारेणं विहरमाणा जाव वासाइं चउपंचमाइं छठ्ठद्दसमाई वा अप्पयरो वा भुज्जयरो बा देसं दूइज्जेत्ता अगारं वएज्जा ? हंता वएज्जा। तस्स णं सकपाहि जाव सव्वसहि दंडे णिक्खित्ते? णो इणठे समठे। से जे से जीवे जस्स परेणं सव्वपाहि जाव सव्वसहि दंडे णो णिक्खित्ते, से जे से जीवे जस्स आरेणं सव्वपाणेहि जाव सत्तेहि दंडे मिक्खित्ते, से जे से जीवे जस्स इयाणि सव्वपाणेहिं जाब सत्तेहि दंडे णो णिक्खित्ते भवइ । परेणं असंजए आरेणं संजए. इयाणि असंजए, असंजयस्स णं सव्वपाहं जाव सत्तेहि, दंडे णो णिक्खित्ते भवइ, से एवमायाणह णियंठा ! से एवमायाणियव्वं ।
भगवं च णं उदाह णियंठा खलु पुच्छिपव्वा-आउसंतो नियंठा ! इह खलु परिव्वाइया वा परिव्वाइ आओ वा अन्नयरहितो तित्थाययहितो आगम्म धम्मं सवणवत्तियं उवसंकमज्जा ? हंता उवसंकमज्जा । किं तेसि तहप्पगारेणं धम्मे आइक्खियव्वे ? हंता आइक्खियब्वे। तं चेव उवट्ठावित्तए जाव कप्पंति ? हंता कप्पंति । कि ते तहप्पगारा कप्पंति संभुजित्तए? हंता कप्पंति । तेणं एयारूवेणं विहारेणं विहरमाणा तं चेव जावं अगारं वएज्जा ? हंता वएज्जा। ते णं तहप्पगारा कप्पंति संभुजित्तए? णो इणठे समठे। से जे से जीवे जे परेणं नो कप्पंति संभुजित्तए, से जे से जीवे आरेणं कप्पंति संभु जित्तए, से जे से जीवे जे इयाणि णो कप्पंति संभु जित्तए, परेणं अस्समणे, आरेणं समणे, इयाणि अस्समणे, अस्समणेणं सद्धि नो कप्पंति समणाणं निग्गंथाणं संभुजित्तए, से एवमायाणह, णियंठा से एवमायाणियव्वं ।। सू० ७८ ॥
__ संस्कृत छाया भगवांश्च खलु उदाह-निर्ग्रन्थाः खलु प्रष्टव्याः, आयुष्मन्तो निर्ग्रन्थाः इह खलु सन्त्येकतये मनुष्याः भवन्ति, तेषां चैवमुक्तपूर्वं भवति, ये इमे मुण्डाः
Jain Education International
For Private & Personal Use Only
www.jainelibrary.org
| SR No. | 003600 |
| Book Title | Agam 02 Ang 02 Sutrakrutang Sutra Part 02 Sthanakvasi |
| Original Sutra Author | Sudharmaswami |
| Author | Hemchandraji Maharaj, Amarmuni, Nemichandramuni |
| Publisher | Atmagyan Pith |
| Publication Year | 1981 |
| Total Pages | 498 |
| Language | Prakrit, Sanskrit |
| Classification | Book_Devnagari, Agam, Canon, & agam_sutrakritang |
| File Size | 23 MB |