________________
तृतीय अध्ययन : आहार-परि ज्ञा
२४६ णाणाविहाणं जलचरपंचिदियतिरिक्खजोणियाणं मच्छाणं जाव सुसुमाराणं सरोरा णाणावण्णा जावमक्खायं ।
___ अहावरं पुरक्खायं णाणाविहाणं चउप्पयथलयरपंचिदियतिरिक्खजोणियाणं, तं जहा-एगखुराणं दुखुराणं गंडीपयाणं सणप्फयाणं, तेसि च णं अहाबीएणं अहावगासेणं इथिए पुरिसस्स य कम्म जाव मेहुणवत्तिए णाम संजोगे समुप्पजइ ते दुहओ सिणेहं संचिण्णंति । तत्थ णं जीवा इत्थित्ताए पुरिसत्ताए जाव विउटति। ते जीवा माओउयं पिउसुक्कं एवं जहा मणुस्साणं इतिथपि वेगया जणयंति, पुरिसंपि नपुसगंपि, ते जीवा डहरा समाणा माउक्खीरं सप्पि आहारति, आणुपुव्वेणं वुड्ढा वणस्सइकायं तसथावरे य पाणे, ते जीवा आहारेंति पुढविसरीरं जाव संतं । अवरेऽदि य णं तेसि णाणाविहाणं चउप्पयथलयरपंचिदियतिरिक्खजोणियाणं एगखुराणं जाव सणप्फयाणं सरीरा णाणावण्णा जावमक्खायं ।
अहावरं पुरक्खायं णाणाविहाणं उरपरिसप्पथलयरपंचिदियतिरिक्खजोणियाणं, तं जहा-अहीणं अयगराणं आसालियाणं महोरगाणं । तेसि च णं अहाबीएणं अहावगासेणं इत्थीए परिसस्स जाव एत्थ णं मेहुणे एवं तं चैव नाणत्तं अंडं वेगया जणयंति, पोयं वेगया जणयंति, से अंडे उब्भिज्जमाणे इत्थि वेगया जणयंति, पुरिसंपि णपुंसगंपि । ते जीवा डहरा समाणा वायुकायमाहारेति, आणुपुव्वेणं वुड्ढा वणस्सइकायं तसथावरे पाणे, ते जीवा आहारेंति पुढविसरीर जाव संतं । अवरेऽवि य णं तेसि णाणाविहाणं उरपरिसप्प-थलयरपंचिदियतिरिक्खजोणियाणं अहीणं जाव महोरगाणं सरीरा णाणावण्णा णाणागंधा जावमक्खायं ।
अहावरं पुरक्खायं णाणाविहाणं भुयपरिसप्पथलयरपंचिदियतिरिक्खजोणियाणं, तं जहा-गोहाणं नउलाणं सिहाणं सरडाणं सल्लाणं सरवाणं खराणं घरकोइलियाणं विस्संभराणं मुसगाणं मंगुसाणं पइलाइयाणं बिरालियाणं जोहाणं चउप्पाइयाणं । तेसि च णं अहाबीएणं अहावगासेणं इत्थीए परिसस्स य जहा उरपरिसप्पाणं तहा भाणियव्वं जाव सारूविकडं संतं । अवरेऽवि य णं तेसि णाणाविहाणं भुयपरिसप्पपंचिदियथलयरतिरिक्खाणं तं० गोहाणं जावमक्खायं ।
अहावर पुरक्खायं णाणाविहाणं खचरचिदियतिरिक्खजोणियाणं, तं जहा--चम्मपक्खीणं लोमपक्खीणं समुग्गपक्खीणं विततपक्खीणं तेसि च णं
Jain Education International
For Private & Personal Use Only
www.jainelibrary.org
