________________
१५७
द्वितीय अध्ययन : क्रियास्थान
से एगइओ णो वितिगिच्छइ, तं जहा-समणाण वा, माहणाण वा, छत्तगं वा, दंडगं वा, जाव चम्मछेदणगं वा सयमेव अवदरइ, जाव समणजाणइ इति से महया जाव उवक्खाइत्ता भवइ ।
से एगइओ समणं वा, माहणं वा, दिस्सा नानाविहेहिं पावकम्भेहि अत्ताणं उधक्खाइत्ता भवइ, अदुवा णं अच्छराए आफालित्ता भवइ, अदुवा णं फरुसं बदित्ता भवइ। कालेणपि से अणुपविट्ठस्स असणं वा पाणं वा जाव णो दवावेत्ता भवइ ।
जे इमे भवंति वोनमंता भारक्कंता अलसगा वसलगा किवणगा समणगा पव्वयंति।
ते इणमेव जीवितं धिज्जीवितं संपडिब्रूहेंति, नाइ ते परलोगस्स अट्ठाए किंचिवि सिलीसंति, ते दुक्खंति, ते सोयंति, ते जूरंति, ते तिप्पंति, ते पिट्टति, ते परितप्पंति, ते दुक्खणजूरणसोयणतिप्पणपिट्टणपरितप्पणवहबंधणपरिकिलेसाओ अप्पडिविरया भवंति। ते महया आरंभेणं, ते महया समारंभेणं, ते महया आरंभसमारंभेणं विरूवरूवेहिं पावकम्मकिच्चेहि उरालाई माणुस्सगाई भोग भोगाइ भुजित्तारो भवंति, तं जहा--अन्नं अन्नकाले, पाणं पाणकाले, वत्थं वत्थकाले, लेणं लेणकाले, सयणं सयणकाले सपुवावरं च णं बहाए कयबलिकम्मे कयकोउयमंगलपायच्छित्ते सिरसा पहाए कंठे मालाकडे आविद्धमणिसुवन्ने कप्पियमालामउली पडिबद्धसरीरे वग्धारियसोणिसुत्तगमल्लदामकलावे अहतवत्थपरिहिए चंदणोक्खित्तगायसरीरे महतिमहालियाए कूडागारसालाए महतिमहालयंसि सोहासणंसि इत्थी गुम्मसंपरिचुडे सबराइएणं जोइणा झियायमाणेणं महयाहयनट्टगीयवाइयतंतीतलतालतुडियघणमुइंगपडुपवाइयरवेणं उरालाई माणुस्सगाई भोगभोगाई भुजमाणे विहरइ ।
तस्स णं एगमवि आगवेमाणस्स जाव चत्तारि पंच जणा आवुत्ता चेव अब्भुट्ठति, भणह देवाणुप्पिया! कि करेमो ? किं आहरेमो ? किं उवणेमो ? कि आचिट्ठामो ? किं भे हियं इच्छियं ? किं भे आसगस्स सयइ ? तमेव पासित्ता अणारिया एवं वयंति--देवे खलु अयं पुरि से, देवसिणाए खलु अयं पुरिसे, देवजीवणिज्जे खलु अयंपुरिसे, अन्ने वि य णं उवजीवंति, तमेव पासित्ता आरिया वयंति-अभिक्कंतकूरकम्मे खलु अयं पुरिसे, अतिधुन्ने अइयायरक्खे दाहिणगामिए नेरइए काहपक्खिए आगमिस्साणं दुल्लहबोहियाए यावि भविस्सइ ।
For Private & Personal Use Only
Jain Education International
www.jainelibrary.org
