________________
१५६
सूत्रकृतांग सूत्र से एगइओ केणइ आयाणेणं विरुद्ध समाणे अदुवा खलदाणेणं अदुवा सुराथालएणं गाहावईण वा, गाहावइपुत्ताणं वा, उट्टाणं वा, गोणाणं वा, घोडगाणं वा, गद्दभाणं वा सयमेव घूराओ कप्पेइ, अन्नेण वि कप्पावेइ, कप्पंतं वि अन्नं समणुजाणइ, इति से महया जाव भवइ ।
से एगइओ केणइ आयाणेणं विरुद्ध समाणे अदुवा खलदाणेणं अदुवा सुराथालएणं गाहावईण वा, गाहावइपुत्ताणं वा उट्टसालाओ वा, गोणसालाओ वा, घोडगतालाओ वा, गद्दभसालाओ वा कंटकबोंदियाए परिपेहित्ता सयमेव अगणिकाएणं झामेइ, अन्नेण वि झामावेइ, झामतं वि अन्नं समणुजाणइ इति से महया जाव भवई।
से एगइओ केणइ आयाणेणं विरुद्ध समाणे अदुवा खलदाणेणं अदुवा सुराथालएणं गाहावईण वा, गाहावइपुत्ताणं बा, कुडलं वा, मणि वा, मोत्तियं वा सयमेव अवहरइ, अन्नेण वि अवहरावइ, अवहरंतं वि अन्नं समणुजाणइ, इति से महया जाव भवइ।
से एगइओ केणइ आयाणेणं विरुद्ध समाणे अदुवा खलदाणेणं अदुवा सुराथालएणं समणाण वा, माहणाण वा, छत्तगं वा, दंडगं वा, भंडगं वा, मत्तगं वा, लट्ठि वा, भिसिगं वा, चेलगं वा, चिलिमिलिगं वा, चम्मयं वा, छेयणगं वा, चम्मकोसियं वा, सयमेव अवहरति जाव समणुजाणइ इति से महया जाव उवक्खाइत्ता भवइ।
से एगइओ णो वितिगिच्छइ, तं जहा-गाहावईण वा, गाहावइ. पुत्ताणं वा, सयमेव अगणिकाएणं ओसहीओ झामेइ जाव अन्नपि झामंतं समणुजाणइ इति से महया जाव उवक्खाइत्ता भवइ।
से एगइओ णो वितिगिच्छइ, तं जहा—गाहावईण वा, गाहावइपुत्ताणं वा, उट्टाण वा, गोणाण वा, घोडगाण वा, गद्दभाण वा, सयमेव घूराओ कप्पेइ, अन्नेणवि कप्पावेइ, अन्नपि कप्पतं समणुजाणइ।
से एगइओ णो वितिगिच्छइ, तं जहा-गाहावईण वा, गाहावइपुत्ताण वा, उट्टसालाओ वा जाव गद्दभसालाओ वा कंटकबोंदियाहिं परिपेहित्ता सयमेव अगणिकाएणं झामेइ जाव समणुजाण ।
से एगइओ णो वितिगिच्छइ, तं जहा-गाहावईण वा, गाहावइपुत्ताण वा, जाव मोत्तियं वा सयमेव अवहरइ जाव समणुजाणइ ।
Jain Education International
For Private & Personal Use Only
www.jainelibrary.org
