________________
१४८
सूत्रकृतांग सूत्र
मूल पाठ से एगइओ आयहेउं वा, णाइहेउं वा, सयणहेउं वा, अगारहेउं वा, परिवारहेउं वा, नायगं वा, सहवासियं वा, णिस्साए अदुवा अणुगामिए १, अदुवा उवचरए २, अदुवा पडिपहिए ३, अदुवा संधिछेदए ४, अदुवा गंठिछेदए ५, अदुवा उरब्भिए ६, अदुवा सोवरिए ७, अदुवा वागुरिए ८, अदुवा साउणिए ६, अदुवा मच्छिए १०, अदुवा गोघायए ११, अदुवा गोवालए १२, अदुवा सोवणिए १३, अदुवा सोवणियंतिए १४। एगइओ आणुगामियभावं पडिसंधाय तमेव अणुगामियाणुगामियं हंता छेत्ता भेत्ता, लुपइत्ता विलुपइत्ता उद्दवइत्ता आहारं आहारेइ, इति से महया पावेहि कम्मेहिं अत्ताणं उवक्खाइत्ता भवइ।
से एगइओ उवचरयभावं पडिसंधाय तमेव उवचरियं हंता छेत्ता भत्ता लुपइत्ता विलुपइत्ता उद्दवइत्ता आहारं आहारेइ, इति से महया पावेहि कम्मेहि अत्ताणं उवक्खाइत्ता भवइ।
से एगइओ पाडिपहियभावं पडिसंधाय तमेव पाडिपहे ठिच्चा हंता छेत्ता भेत्ता लुपइत्ता विलुपइत्ता उद्दवइत्ता आहारं आहारेइ । इति से महया पावेहि कम्मेहि अत्ताणं उवक्खाइत्ता भवइ।
से एगइओ संधिछेदगभावं पडिसंधाय तमेव संधि छेत्ता भेत्ता जाव इति से महया पावेहि कम्मेहि अत्ताणं उवक्खाइत्ता भवइ ।
से एगइओ गंठिछेदगभावं पडिसंधाय तमेव गंठि छेत्ता भेत्ता जाव इति से महया पावेहि कम्मेहि अत्ताणं उवक्खाइत्ता भवइ ।
. से एगइओ उरम्भियभावं पडिसंधाय तमेव उरभं वा, अण्णयरं वा तसं पाणं हंता जाव उवक्खाइत्ता भवइ।
एसो अभिलावो सव्वत्थ ।
से एगइओ सोयरियभावं पडिसंधाय महिसं वा अष्णयरं वा तसं पाणं हंता जाव उवक्खाइत्ता भवइ।
से एगइओ वागुरियभावं पडिसंधाय मियं वा, अण्णयरं वा तसं पाणं हंता जाव उवक्खाइत्ता भवइ ।
से एगइओ सउणियभावं पडिसंधाय सणि वा, अण्णयरं वा तसं पाणं हंता जाव उवक्खाइत्ता भवइ ।
Jain Education International
For Private & Personal Use Only
www.jainelibrary.org
