Page Text
________________
४६६
दसाबो
दोच्चं पि तच्चं पि एवं वदंति, वदित्ता जामेव दिसं पाउब्भूया तामेव दिसं
पडिगता। ५. तेणं कालेणं तेणं समएणं समणे भगवं महावीरे आइगरे तित्थगरे जाव' गामाणुगाम
दूइज्जमाणे 'सुहंसुहेणं विहरमाणे संजमेणं तवसा अप्पाणं भावेमाणे विहरति । ६. तते णं रायगिहे नगरे सिंघाडग-तिय-चउक्क-चच्चर-चउम्मह-महापह-पहेसु जाव
परिसा निग्गता जाव पज्जुवासेति ।। तते णं ते चेव महत्तरमा जेणेव समण भगवं महावीरे तेणेव उवागच्छंति, उवागच्छित्ता समणं भगवं महावीरं तिक्खुत्तो आयाहिण-पयाहिणं करेंति करेत्ता वंदंति णमंसंति, वंदित्ता णमंसित्ता णामगोयं पुच्छंति, पुच्छित्ता णामगोत्तं पधारेंति, पधारेत्ता एगततो मिलंति, मिलित्ता एगंतमवक्कमति, अवक्क मित्ता एवं वदासि-- जस्स णं देवाणुप्पिया सेणिए राया सणं पीहेति, जस्स णं देवाणुप्पिया सेणिए राया दसणं पत्थेति, 'जस्स णं देवाणु प्पिया सेणिए राया दसणं अभिलसति, जस्स णं देवाणुप्पिया सेणिए राया णामगोत्तस्सवि सवणताए हट्टतुटु'- चित्तमाणंदिए पीइमणे परमसोमणस्सिए हरिसवस-विसप्पमाणहियए' भवति, से णं समणे भगवं महावीरे आदिकरे तित्थकरे जाव" सवण्णू सव्वदरिसी पुव्वाणपुवि चरमाणे गामाणुगामं दुइज्जमाणे सुहंसुहेणं विहरते इहमागते इह संपत्ते" इह समोसढे इहेव रायगिहे नगरे बहिया गुणसिलए चेइए अहापडिरूवं ओग्गहं ओगिण्हित्ता संजमेणं तवसा अप्पाणं भावेमाणे विहरति ।। तं गच्छह णं देवाणप्पिया ! सेणियस्स रण्णो एयमळं निवेदेमो पियं भे भवतु त्ति कट्ट एयमझें अण्णमण्णस्स पडिसुणेति, पडिसुणेत्ता जेणेव रायगिहे नयरे तेणेव उवागच्छंति, उवागच्छित्ता रायगिह नयरं मझमझेणं जेणेव सेणियस्स रण्णो गेहे जेणेव सेणिए राया तेणेव उवागच्छंति, उवागच्छित्ता सेणियं रायं करयलपरिग्गहियं" 'सिरसावत्तं मत्थए अंजलि कट जएणं विजएणं वद्धाति, वद्धावेत्ता एवं वयासी-जस्स णं सामी दसणं कंखइ" जस्स णं सामी दंसणं पीहेति, जस्स णं सामी दसणं पत्थेति, जस्स णं सामी दंसणं अभिलसति, जस्स णं सामी णामगोत्तस्स वि सवणताए हट्ठतुट्ठ-चित्तमाणदिए पीइमणे परमसोमणस्सिए हरिसवस-विसप्पमाणहियए भवति से णं समणे भगवं महावीरे गुणसिलए
१. नगरस्स परिगता (अ, क, ख)। २. दसा० १०॥३। ३. सं० पा०-दूइज्जमाणे जाव अप्पाणं । ४. ओ० सू० ५२ । ५. णामं गोयं (ख)। ६. राया भिभिसारे (अ, क)। ७. सं० पा०-पत्थेति जाव अभिलसति ।
८. सं० पाहतुटु जाव भवति । ६. णं एस (ता)। १०. ओ० सू० १६। ११. सं० पा०-संपत्ते जाव अप्पाणं । १२. ते (ता)। १३. सं० पा०—करयलपरिम्गहियं जाव जएणं । १४. सं० पा०-कंखइ जाव से णं ।
Jain Education International
For Private & Personal Use Only
www.jainelibrary.org
| SR No. | 003585 |
| Book Title | Agam 27 Chhed 04 Dashashrutskandh Sutra Dasao Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 140 |
| Language | Prakrit |
| Classification | Book_Devnagari, Agam, Canon, & agam_dashashrutaskandh |
| File Size | 4 MB |