Page Text
________________
अणुओगदाराई
ज्जाई धणुसयाई । तमाए भवधारपिज्जा जहणेणं अंगुलस्स असंखेज्जइभाग, उक्कोसेणं अड्डाइज्जाइंधणुसयाई । उत्तरवेउब्विया जहण्णेणं अंगुलस्स संखेज्जइभाग उक्कोसेणं पंच धणुसयाई। तमतमापुढवीए नेरइयाणं भंते ! केमहालिया सरीरोगाहणा पण्णता ? गोयमा ! दुविहा पण्णत्ता, तं जहा-भवधारणिज्जा य उत्तरवेउब्विया य । तत्थ णं जासा भवधारणिज्जा सा जहण्णेणं अंगुलस्स असंखेज्जइभाग, उक्कोसेणं पंच धणुसयाई। तत्थ णं जासा उत्तरवेउब्विया सा जहण्णेणं अंगुलस्स संखेज्जइभागं, उक्कोसेणं धणुसहस्सं। असुरकुमाराणं भंते ! केमहालिया सरीरोगाहणा पण्णता? गोयमा ! दुविहा पण्णत्ता, तं जहाभवधारणिज्जा य उत्तरवेउब्बिया य । तत्थ णं जासा भवधारणिज्जा सा जहण्णेणं अगुलस्स असंखेज्जइभाग उक्कोसेणं सत्त रयणोओ। तत्थ ण जासा उत्तरवेउव्विया सा जहण्णणं अंगुलस्स संखेज्जइभाग, उक्कोसेणं जोयणसयसहस्सं । एवं असुरकुमारगमेणं जाव थणियकुमाराणं ताव भाभियन्वं । पुढविकाइयाण भंते ! केमहालिया सरीरोगाहणा पण्णता? गोयमा ! जहण्णेणं अंगुलस्स असंखेज्जइभाग, उक्कोसेणं वि अंगुलस्स असंखेज्जइभागं । एवं सुहमाण ओहियाण अपज्जत्तगाणं पज्जत्तगाणं च भाणियव्यं । बादराणं ओह्यिाणं अपज्जत्तगाणं पज्जत्तगाणं च भाणियब्वं । एवं जाव बादरवाउकाइयाणं पज्जत्तगाणं भाणियव्वं । वणस्सइकाइयाण भंते ! केमहालिया सरीरोगाहणा पण्णता? गोयमा ! जहण्णेणं अंगुलस्स असंखेज्जइभागं. उक्कोसेणं सातिरेगं जोयणसहस्सं। सुहमवणस्सइकाइयाणं ओहियाणं अपज्जत्तगाणं पज्जत्तगाणं तिण्हं पि जहाणेणं अंगुलस्स असंखेज्जइभाग, उक्कोसेण वि अंगूलस्स असंखेज्जइभाग । बादरवणस्सइकाइयाणं जहणणं अंगुलस्स असंखेज्ज इभाग, उक्कोसेणं सातिरेगं जोयणसहस्सं । अपज्जत्तगाणं जहष्णेणं अंगुलस्स असंखेज्जइभाग, उक्कोसेण वि अंगुलस्स असंखेज्जइभाग । पज्जत्तगाणं जहण्णणं अंगुलस्स असंखेज्जइभागं, उक्कोसेणं सातिरेग जोयणसहस्सं । एवं बेइंदियाणं पुच्छा । गोयमा ! जहणेणं अंगुलस्स असंखेज्जइभाग, उक्कोसेणं बारस जोयणाई । अपज्जत्तगाणं जहणणं अंगुलस्स असंखेज्जइभाग, उक्कोसेण वि अंगुलस्स असंखेज्जइभागं । पज्जत्तगाणं जहणणं अंगुलस्स संखेज्जइभाग, उक्कोसेणं बारस जोयणाई। तेइंदियाणं पुच्छा । गोयमा ! जहणणं अंगुलस्स असंखेज्जइभाग, उक्कोसेणं तिणि माउयाई । अपज्जत्तगाणं जहणेणं अंगुलस्स असंखेज्जइभाग, उक्कोसेण बि अंगुलस्स असंखेज्जइभागं । पज्जत्तगाणं जहणेणं अंगुलस्स संखेज्जइभाग, उक्कोसेमं तिण्णि गाउयाई।। चरिदियाणं पुच्छा । गोयमा ! जहणणेणं अंगुलस्स असंखेज्जइभाग, उक्कोसेणं चत्तारि गाउयाई। अपज्जत्तगाणं जहणणेणं वि उक्कोसेण वि अंगुलस्स असंखेज्जइभागं । पज्जत्तगाणं जहणणेणं अंगुलस्स असंखेज्जइभाग, उक्कोसेणं चत्तारि गाउयाई । पंचेदियतिरिक्खजोणियाणं भंते ! केमहालिया सरीरोगाहणा पण्णत्ता ? गोयमा ! जहण्णेणं अंगूलस्स असंखेज्ज इभाग, उक्कोसेणं जोयणसहस्सं । जलयरपंचिदियतिरिक्खजोणियाणं पुच्छा। गोयमा ! एवं चेव । समुच्छिमजलयरपंचिदियतिरिक्खजोणियाण पुच्छा । गोयमा! एवं चेव । अपज्जतगसंमूच्छिमजलयरपंचिदियतिरिक्खजोणियाणं पूच्छा।
Jain Education International
For Private & Personal Use Only
www.jainelibrary.org
| SR No. | 003584 |
| Book Title | Agam 32 Chulika 02 Anuyogdwar Sutra Anuogdaraim Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 135 |
| Language | Prakrit |
| Classification | Book_Devnagari, Agam, Canon, & agam_anuyogdwar |
| File Size | 4 MB |