Page Text
________________
७५५
तइयं अज्झयणं जाणइ', 'अणाढायमाणे अपरिजाणमाणे तुसिणीए संचिट्ठइ ।
६२. तए णं से देवे सोमिलेणं माहणरिसिणा अणाढाइज्जमाणे जामेव दिसि पाउन्भुए तामेव दिसि पडिगए ।।
६३. तए णं से सोमिले कल्लं पाउप्पभायाए रयणीए जाव' उट्टियम्मि सूरे सहस्सरस्सिम्मि दिणयरे तेयसा जलते वागलवत्थनियत्थे किढिण-संकाइय-गहियग्गिहोत्त-भंडोवगरणे कट्टमुहाए मुहं बंधइ, बंधित्ता [उत्तराए दिसाए ? ] उत्तराभिमुहे संपत्थिए।
६४. तए णं से सोमिले बिइयदिवसम्मि पच्चावरण्हकालसमयंसि जेणेव सत्तिवण्णे तेणेव उवागए, सत्तिवण्णस्स अहे किढिण-संकाइयं ठवेइ, ठवेत्ता वेदि वड्ढेइ जहा असोगवरपायवे जाव' अग्गि हुणइ, 'चरु साहेइ, बलि वइस्सदेवं करेइ", कटुमुद्दाए मुहं बंधइ, तुसिणीए संचिट्ठइ ।।
६५. तए णं तस्स सोमिलस्स पुव्वरत्तावरत्तकाले एगे देवे अंतियं पाउब्भूए । ६६. तए णं से देवे अंतलिक्खपडिवण्णे जहा असोगवरपायवे जाव पडिगए ।
६७. तए णं से सोगिले कल्लं पाउप्पभायाए रयणीए जाव उठ्ठियम्मि सूरे सहस्सरस्सिम्मि दिणयरे तेयसा जलते वागलवथनियत्थे किढिण-संकाइयं गेण्हइ, गेण्हित्ता कट्टमुद्दाए मुहं बंधइ, बंधित्ता उत्तराए दिसाए उत्तराभिमुहे संपत्थिए ।
६८. तए णं से सोमिले तइयदिवसम्मि पच्चावरणहकालसमयंसि जेणेव असोगवरपायवे तेणेव उवागच्छ इ, उवागच्छित्ता असोगवरपायवस्स अहे किढिण-संकाइयं ठवेइ, ठवेत्ता वेदि वड्ढेइ जाव' 'गंगाओ महाणईओ पच्चुत्तरइ, पच्चुत्तरित्ता जेणेव असोगवरपायवे तेणेव उवागच्छइ, उवागच्छित्ता" वेदि रएइ, रएत्ता कट्ठमुद्दाए मुहं बंधइ, बंधित्ता तुसिणीए संचिट्ठइ ॥
६६. तए णं तस्स सोमिलस्स पुवरत्तावरत्तकाले एगे देवे अंतियं पाउन्भूए, तं चेव भणइ जाव" पडिगए।
७०. तए णं से सोमिले कल्लं पाउप्पभायाए रयणीए जाव" उट्ठियम्मि सूरे सहस्सरस्सिम्मि दिणयरे तेयसा जलते वागल वत्थनियत्थे किढिण-संकाइय-'गहियरिगहोत्तभंडोवगरणे कट्ठमुद्दाए मुहं बंधइ, बंधित्ता उत्तराए दिसाए उत्तराभिमुहे संपत्थिए।
७१. तए णं से सोमिले च उत्थदिवसम्मि पच्चावरणहकालसमयंसि जेणेव वडपायवे १. सं० पा०-परिजाणइ जाव तुसिणीए। ८. ओ० सू० २२। २. अतोने 'अपरिजाणिज्जमाणे' इति पाठः १. उ० ३१५६ ।
प्रासङ्गिकोस्ति, किन्तु आदर्शष नोपलभ्यते। १०. गंगं महानई (क,ख,) ३. ओ० सू० २२ ।
११. पू०-उ० ३३५६ । ४. समंडो (उ० ३१५५) ।
१२. पाउभवित्था (क,ग,) । ५. उ० ३११६ ।
१३. उ० ६१५८-३२ । ६. ४ (काख,ग,)।
१४. ओ० सू० २२ । ७. उ० ३१५८-६२ ।
१५. जाव अग्निहोत्तं (क,ख)।
Jain Education International
For Private & Personal Use Only
www.jainelibrary.org
| SR No. | 003577 |
| Book Title | Agam 21 Upang 10 Pushpika Sutra Puffiyao Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 414 |
| Language | Prakrit |
| Classification | Book_Devnagari, Agam, Canon, & agam_pushpika |
| File Size | 8 MB |