Page Text
________________
७५४
पुफियाओ
बहई सत्तसयाइं अणुमाणइत्ता वागलवत्थनियत्थस्स किढिण'-संकाइय-'गहितग्गिहोत्त-सभंडो. वगरणस्स" कट्रम्हाए' मुहं बंधित्ता उत्तरदिसाए उत्तराभिमूहस्स महप्पत्थाणं पत्थाइत्तए —एवं संपेहेइ, संपेहेत्ता कल्लं पाउप्पभायाए रयणीए जाब उठ्ठियम्मि सूरे सहस्सरस्सिम्मि दिणयरे तेयसा जलंते बहवे तावसे य दिट्ठाभठे य पुव्वसंगइए य "परियायसंगइए य आपुच्छित्ता आसमसंसियाणि य बहूई सत्तसयाइं अणुमाणइत्ता वागलवत्थनियत्थे किढिणसंकाइय-गहितग्गिहोत्त-सभंडोवगरणे कट्ठमुद्दाए मुहं बंधइ, बंधित्ता अयमेयारूवं अभिग्गहं अभिगिण्हइ---जत्थेव णं अहं जलंसि वा थलंसि वा दुग्गंसि वा निन्नंसि वा पव्वयंसि वा विसमंसि वा गड्डाए वा दरीए वा पक्खलेज्ज वा पवडेज्ज वा, नो खलु मे कप्पइ पच्चुट्ठित्तएत्तिक? अयमेयारूवं अभिग्गहं अभिगिण्हइ, उत्तराए दिसाए उत्तराभिमुहे महप्पत्थाणं पत्थिए॥
५६. तए णं से सोमिले माहणरिसी पच्चावरण्हकालसमयंसि' जेणेव असोगवरपायवे तेणेव उवागए, असोगवरपायवस्स अहे किढिण-संकाइयं" ठवेइ, ठवेत्ता वेदि वड्ढेइ, वड्ढेत्ता उवलेवण-संमज्जणं करेइ, करेत्ता दब्भकलसहत्थगए जेणेव गंगा महाणई 'तेणेव उवागच्छइ, उवागच्छित्ता गंगं महाणइं ओगाहइ, ओगाहित्ता जलमज्जणं करेइ, करेत्ता जलाभिसेयं करेइ, करेत्ता जलकिड्ड करेइ, करेत्ता आयंते चोक्खे परमसुइभूए देवपिउकयकज्जे दब्भकलसहत्थगए गंगाओ महाणईओ पच्चुत्तरइ, पच्चुत्तरित्ता जेणेव असोगवरपायवे तेणेव 'उवागच्छइ, उवागच्छित्ता" दब्भेहि य कुसेहि य वालुयाए य वेदि रएइ, रएत्ता सरगं करेइ, करेत्ता जाव" बलिं व इस्सदेवं करेइ, करेत्ता कट्ठमुद्दाए मुहं बंधइ, बंधित्ता तुसिणीए संचिट्ठइ॥
५७. तए णं तस्स सोमिलमाहणरिसिस्स पुव्वरत्तावरत्तकालसमयंसि एगे देवे अंतियं पाउब्भूए ।
५८. तए णं से देवे सोमिलं माहणं एवं वयासी-हंभो सोमिल माहणा! पव्वइया ! दुप्पव्व इयं ते ॥
५६. 'तए णं से सोमिले तस्स देवस्स एयमट्ठ नो आढाइ नो परिजाणइ, अणाढायमाणे अपरिजाणमाणे तुसिणीए संचिट्ठई" ।
६०. 'ततेणं से देवे सोमिलं माहणं दोच्चंपि तच्चपि एवं बयासी-हंभो सोमिलमाहणा! पव्वइया! दुप्पव्वइयं ते"
६१. तए णं से सोमिले तस्स देवस्स दोच्चपि तच्चपि एयमझें नो आढाइ नो परि
१. कढिण (क,ख)। २. गिहितग्निहोत्तस्सभ (क); गहितग्निहोत्त-
स्समं° (ख); गिहितसमंडोवगरणस्स (वृ)। ३. कट्ठमुंडाते (क)। ४. सं० पा०-तं चेव जाव कट्ठमुद्दाए। ५. वा एवं (क,ख,ग)। ६. पुव्वावरण्ह' (क,ख,ग)।
७. संकाइयग (क,ख,ग)। ८. सं० पा.- जहा सिवो जाव गंगाओ। ६. उवागए (क,ख)। १०. उ० ३३५१। ११. ४ (क)। १२. ४ (ख)।
Jain Education International
For Private & Personal Use Only
www.jainelibrary.org
| SR No. | 003577 |
| Book Title | Agam 21 Upang 10 Pushpika Sutra Puffiyao Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 414 |
| Language | Prakrit |
| Classification | Book_Devnagari, Agam, Canon, & agam_pushpika |
| File Size | 8 MB |