________________
पढमं बज्झयणं
णं तुमं कालं कुमारं जीवमाणं पासिहिसि ॥
कालीए मुच्छा-पर्द
२३. तए णं सा काली देवी समणस्स भगवओ महावीरस्स अंतियं एयमट्ठे सोच्चा निसम्म महया पुत्तसोएण' अष्फुण्णा समाणी परसुनियत्ता' विव चंपगलया वसत्ति धरणीयलंसि सव्वं हि संनिवडिया ||
कालीए पfsगमण-पदं
२४. तए णं सा काली देवी मुहुत्तंतरेणं आसत्था समाणी उट्टाए उट्ठेइ, उट्ठेत्ता समणं भगवं महावीरं वंदइ नमसइ, वंदित्ता नमंसित्ता एवं वयासी - एवमेयं भंते ! तह - मेयं भंते ! अवितहमेयं भंते! असंदिद्धमेयं भंते! सच्चे णं ! एसमट्ठे से जहेयं तुब्भे वदत्ति कट्टु समणं भगवं महावीरं वंदइ नमसइ, वंदित्ता नमसित्ता तमेव धम्मियं जाणप्पवरं दुरुहइ, दुरुहित्ता जामेव दिसि पाउन्भूया तामेव दिसि पडिगया || कालकुमारस्स निरय - उववत्ति-पदं
२५. भंते ! त्ति भगवं गोयमे समणं भगवं महावीरं वंदइ नमंसइ, वंदिता नमसित्ता एवं वयासी -- काले णं भंते! कुमारे तिहि दंतिसहस्सेहिं जाव' रहमुसलं संगामं संगामे - माणे चेडणं रण्णा एगाहच्चं कूडाहच्चं जीवियाओ ववरोविए समाणे कालमासे कालं किच्चा कहि गए ? कहि उववणे ? ||
२६. गोयमाइ ! समणे भगवं महावीरे भगवं गोयमं एवं वयासी एवं खलु गोयमा ! काले कुमारे तिहि दंतिसहस्सेहिं जाव' रहमुसलं संगामं संगामेमाणे चेडएणं रण्णा एगाहच्चं कूडाहच्वं जीवियाओ ववरोविए समाणे कालमासे कालं किच्चा चउत्थीए पंकप्पभाए पुढवीए हेमाभे नरगे दससागरोवमट्टिइएस नेरइएस नेरइयत्ताए उववण्णे ||
२७. काले णं भंते! कुमारे केरिसएहि आरंभेहि केरिसएहि आरंभ-समारंभेहि केरिसएहिं भोगेहि केरिसएहिं भोग संभोगेहिं केरिसेण वा असुभकडकम्मपब्भारेणं कालमासे कालं किच्चा चउत्थीए पंकप्पभाए पुढवीए जाव' नेरइयत्ताए उववण्णे ? चेल्लाए दोहद-पदं
७१६
२८. एवं खलु गोयमा ! तेणं कालेणं तेणं समएणं रायगिहे नामं नयरे होत्थारिद्ध त्थिमिय- समिद्धे ॥
२६. तत्थ णं रायगिहे नयरे सेणिए नाम राया होत्था - महयाहिमवंत-महंत मलयमंदर-महिंदसारे ॥
३०. तस्स णं सेणियस्स रण्णो नंदा नामं देवी होत्था - सुमालपाणिपाया जाव विहरइ ||
३१. तस्स णं सेणियस्स रण्णो पुत्ते नंदाए देवीए अत्तए अभए नामं कुमारे होत्था१. पासिहसि ( क ) 1
२. सोए ( ग ) ।
३. परिसु० ( क ) |
४. उ० १।१४ ।
Jain Education International
५. उ० १1१४ ।
६. उ० ११२६ ।
७. ओ० सू० १५ ।
For Private & Personal Use Only
www.jainelibrary.org
