Page Text
________________
७१८
निरयावलियाओ निग्गच्छित्ता जेणेव पुण्ण भद्दे चेा तेणेव उवागच्छइ, उवागच्छित्ता छत्तादीए' तित्थयरातिसए पासइ, पासित्ता धम्मियं जाणप्पवरं ठवेइ, ठवेत्ता धम्मियाओ जाणप्पवराओ पच्चोरुहइ, पच्चोरुहित्ता बहूहिं खुज्जाहिं जाव महत्तरगवंदपरिक्खित्ता जेणेव समणे भगवं महावीरे तेणेव उवागच्छइ, उवागच्छित्ता समणं भगवं महावीरं तिक्खुत्तो आयाहिण-पयाहिणं करेइ, करेत्ता वंदइ नमसइ, वंदित्ता नमंसित्ता ठिया' चेव सपरिवारा सुस्सूसमाणी नमसमाणी अभिमूहा विणएणं पंजलिउडा पज्जवासइ॥
२० तए णं समणे भगवं महावीरे कालीए देवीए तीसे य महइमहालियाए इसिपरिसाए 'धम्म परिकहेइ" जाव एयस्स धम्मस्स सिक्खाए उवदिए समणोवासए वा समणोवासिया वा विहरमाणे आणाए आराहए भवइ । कालीए पुच्छा-पदं
२१. तए णं सा काली देवी समणस्स भगवओ महावीरस्स अंतियं धम्म सोच्चा निसम्म' 'हतूटु-चित्तमाणंदिया पीइमणा परमसोमणस्सिया हरिसवस-विसप्पमाणहियया समणं भगवं महावीरं तिक्खुत्तो' 'आयाहिण-पयाहिणं करेति, करेत्ता वंदति णमंसति, वंदित्ता णमंसित्ता एवं वयासी-एवं खलु भंते ! मम पुत्ते काले कुमारे तिहिं दंतिसहस्सेहि तिहि आससहस्सेहिं तिहि रहसहस्सेहिं तिहि मणुयकोडीहि गरुलब्बूहे एक्कारसमेणं खंडेणं कूणिएणं रण्णा सद्धि रहमुसलं संगाम ओयाए.- से णं भंते ! किं जइस्सइ ? नो जइस्सई ? •जी विस्सइ ? नो जीविस्सइ ? पराजिणिस्सइ ? नो पराजिहिस्सइ° ? कालं पं कुमारं अहं जीवमाणं पासेज्जा ? भगवओ उत्तर-पदं
२२. कालीइ ! समणे भगवं महावीरे कालि देवि एवं वयासी--एवं खलु काली ! तव पुत्ते काले कुमारे तिहिं दंतिसहस्सेहिं जाव" कूणिएणं रण्णा सद्धिं रहमुसलं संगाम संगामेमाणे हयमहिय-पवरवीरघाइय-निवड़ियचिंधज्झयपडागे २ निरालोयाओ दिसाओ करेमाणे चेडगस्स रणो सपक्खं सपडिदिसिं रहेण पडिरहं हव्वमागए। तए णं से चेडए राया कालं कुमार एज्जमाणं पासइ, पासित्ता आसुरुत्ते रुठे कुविए चंडिक्किए मिसिमिसेमाणे तिवलियं भिउडि निलाडे साहट्ट धणु परामुसइ, परामुसित्ता उसुं परामुसइ, परामुसित्ता वइसाहं ठाणं ठाइ, ठिच्चा आयय-कण्णाययं उसु करेइ, करेत्ता कालं कुमार एगाहच्चं कूडाहच्चं जीवियाओ ववरोवेइ । तं कालगए" णं काली ! काले कुमारे, नो चेव
१. सं० पा०. -छतादीए जाव धम्मियं । २. ठितिया (क,ख)। ३. जाव (क,ख,ग)। ४. पू०.... ओ० सू० ७१-७७ । ५. धम्मकहा भाणियन्वा (क,ख,म) । ६. सं० पा०--निसम्म जाव हियया । ७. सं० पा०... तिक्खुत्तो जाव एवं । ८. सं० पा०--दंतिसहस्सेहिं आव रहमुसलं ।
६. सं० पास...-जइस्सइ जाव कालं । १०. पासेमित्ती (क); पासित्ता (ग)। ११. उ० १११४। १२. विपडितचिंधंधया० (क) । १३. सं० पा० . आसुरुत्ते जाब मिसिमिसेमाणे
धणुं । १४. कालं गए (क)।
Jain Education International
For Private & Personal Use Only
www.jainelibrary.org
| SR No. | 003575 |
| Book Title | Agam 19 Upang 08 Niryavalika Sutra Nirayavaliao Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 415 |
| Language | Prakrit |
| Classification | Book_Devnagari, Agam, Canon, & agam_nirayavalika |
| File Size | 8 MB |