________________
७२०
निरयावलियामो सूमालपाणिपाए जाव' सुरूवे, साम-दंड-भेय-उवप्पयाण-अत्थसत्थ-ईहामइ-विसारए जहा चित्तो जाव' रज्जधुराए चितए यावि होत्था ।।
३२. तस्स णं सेणियस्स रण्णो चेल्लणा नामं देवी होत्था-सूमालपाणिपाया जाव' विहरइ ।।
३३. तए णं सा चेल्लणा देवी अण्णया कयाइ तंसि तारिसगंसि वासघरंसि जाव" सीहं सुमिणे पासित्ताणं पडिबुद्धा जहा पभावई जाव' सुमिणपाढगा पडिविसज्जिया जाव' चेल्लणा' से वयणं पडिच्छित्ता जेणेव सए भवणे तेणेव अणुपविट्ठा ॥
३४. तए णं तीसे चेल्लणाए देवीए अण्णया कयाइ तिण्हं मासाणं बहुपडिपुण्णाणं अयमेयारूवे दोहले पाउन्भूए--धण्णाओ गं ताओ अम्मयाओ", "संपुण्याओ णं ताओ अम्मयाओ, कयत्थाओ णं ताओ अम्मयाओ, कयपुण्णाओ णं ताओ अम्मयाओ, कयलक्खणाओ गं ताओ अम्मयाओ, कयविहवाओ णं ताओ अम्मयाओ, सुलद्धे णं तासि अम्मयाणं माणुस्सए जम्मजीवियफले', जाओ णं सेणियस्स रण्णो उयरवलिमसेहिं सोल्लेहि य तलिएहि य भज्जिएहि य सुरं च •महुं च मेरगं च जाई च सीधुं च° पसण्णं च आसाएमाणीओ “विसाएमाणीओ परिभाएमाणीओ परिभुजेमाणीओ दोहलं विणेति ।।
३५. तए णं सा चेल्लणा देवी तंसि दोहलंसि अविणिज्जमाणंसि सुक्का भुक्खा निम्मंसा ओलुग्गा ओलुग्गसरीरा नित्तेया दीणविमणवयणा पंडुलइयमुही ओमंथियनयणवयणकमला जहोचियं पुप्फ-वत्थ-गंधमल्लालंकारं अपरि जमाणी करयलमलियब्ब कमलमाला ओहयमणसंकप्पा जाव' झियाइ ।
३६. तए णं तीसे चेल्लणाए देवीए अंगपडियारियाओ चेल्लणं देवि सुक्क भुक्खं जाव" झियायमाणिपासंति, पासित्ता जेणेव सेणिए राया तेणेव उवागच्छंति, उवागच्छित्ता करयल •परिग्गहियं दसनहं सिरसावत्तं मत्थए अंजलि कटु सेणियं रायं एवं वयासी–एवं खलु सामी! चेल्लणा देवी न याणामो केणइ कारणेणं सुक्का भुक्खा जाव झियाइ॥
३७. तए णं से सेणिए राया तासिं अंगपडियारियाणं अंतिए एयमटठं सोच्चा निसम्म तहेव संभंते समाणे जेणेव चेल्लणा देवी तेणेव उवागच्छइ, उवागच्छित्ता चेल्लणं देवि १. ओ० सू० १४३ 1
१०. सं० पा.-सुरं च जाव पसण्णं । २. राय० सू० ६७५ ।
११. सं० पा०—आसाएमाणीओ जाव परिभाए३. ओ० सू०१५।
माणीओ। ४. भग० ११११३३
१२. पविणेति (ख); विणंजंति (ग)। ५. भग० ११११३४-१४३ ।
१३. पाण्डुकियमुखी (व)। ६. भग० ११११४३,१४४ ।
१४. उ० १११५ । ७. चिल्लणा (ग)।
१५. उ० १।३५ । ८. सं० पा.- अम्मयाओ जाव जम्म० । १६. झियायमाणं (क)। ६. °फलं (क)।
१७. सं० पा०—करयल० ।
Jain Education International
For Private & Personal Use Only
www.jainelibrary.org
