Agam 16 Upang 05 Surya Pragnapti Sutra Surpannatti Terapanth

SR No.: 003574
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 505
Language: Prakrit
Classification: Book_Devnagari, Agam, Canon, & agam_suryapragnapti
File Size: 9 MB

Page 97

६२०
सूरपण्णत्ती वएज्जा। ता से परिक्खेवविसेसे कतो आहितेति वएज्जा ? ता जे णं जंबुद्दीवस्स दीवस्स परिक्खेवे, तं परिक्खेवं तिहिं गुणेत्ता दसहि छेत्ता दसहिं भागे हीरमाणे, एस णं परिक्खेवविसेसे आहितेति वएज्जा ।।
५. ता से णं तावक्खेत्ते केवतियं आयामेणं आहितेति वएज्जा ? ता अद्वत्तरि जोयणसहस्साई तिण्णि य तेत्तीसे जोयणसए जोयणतिभागे य आयामेणं आहितेति वएज्जा ॥
६. तया णं किसंठिया अंधयारसंठिती आहिताति वएज्जा ? ता उड्डीमुहकलंबुयापृष्फसंठिता' •अंधयारसंठिती पण्णत्ता -अंतो संकया बाहिं वित्थडा. अंतो वटा बाहिं पिहुला, अंतो अंकमुहसंठिता बाहि सत्थीमुहसंठिता, उभओ पासेणं तीसे दुवे बाहाओ अवट्ठियाओ भवंति पणयालीसं-पणयालीसं जोयणसहस्साइं आयामेणं, दुवे य णं तीसे बाहाओ अणवट्ठियाओ भवंति, तं जहा सव्वभंतरिया चेव बाहा सव्वबाहिरिया चेव बाहा ।।
७. तत्थ को हेतूति वएज्जा ? ता अयण्णं जंबुद्दीवे दीवे सव्वदीवस मुद्दाणं सव्वभंतराए जाव परिक्खेवेणं, ता जया णं सूरिए सव्वब्भतरं मंडलं उवसंकमित्ता चारं चरइ तया णं उड़ीमूहकलंबूयापूप्फसंठिता अंधयारसंठिती आहिताति वएज्जा अंतो संकया बाहिं वित्थडा, अंतो वट्टा बाहिं पिहला, अंतो अंकमुहसंठिता बाहिं सत्थीमुहसंठिता, उभओ पासेणं तीसे दुवे बाहाओ अवट्ठियाओ भवंति पणयालीसं-पणयालीसं जोयणसहस्साई आयामेणं, दुवे य पं तीसे बाहाओ अणवट्ठियाओ भवंति, तं जहा--सव्वब्भंतरिया चेव बाहा सव्व बाहिरिया चेव बाहा। तीसे णं सवब्भतरिया बाहा मंदरपब्वयंतेणं छज्जोयणसहस्साइं तिणि य चउवीसे जोयणसए छच्च दसभागे जोयणस्स परिक्खेवेणं आहिताति वएज्जा । तीसे णं परिक्खेवविसेसे कतो आहितेति वएज्जा? ता जे णं मदरस्स पव्वयस्स परिक्खेवे, तं परिक्खेवं दोहिं गुणेत्ता', 'दसहि छेत्ता दसहि भागे हीरमाणे, एस णं परिक्खेवविसेसे आहितेति वएज्जा। तीसे णं सव्वबाहिरिया बाहा लवणसमुदंतेणं तेवट्टि जोयणसहस्साई दोण्णि य पणयाले' जोयणसए छच्च दसभागे जोयणस्स परिक्खे
आहितेति वएज्जा। ता से ण परिक्वविसेसे कतो आहितेति वएज्जा? ताजे of जंबुद्दीवस्स दीवस्स परिक्खेवे, तं परिक्खेवं दोहिं गुणेत्ता दसहि छेत्ता दसहिं भागे हीरमाणे, एस णं परिक्खेवविसेसे आहितेति वएज्जा।
१. एस (ग,घ)। २. केतियं (ग,ध)। ३. सं० पा० --उड्डीमुहकलंबुयापुप्फसंटिता तहेव जाव बाहिरिया। उद्धीमुहकलबुयापुप्फसंठिया आहितेति वदेज्जा अंतो संकुता बाहिं वित्थडा तं चेव जाव तीसे णं दुवे बाहातो अणवद्विता भवंति तं सव्वभरिता चेव बाहा सव्वबाहिरिया (ट,व)।
४. गुणिया (ट)। ५. सं० पा०--सेसं तहेव । चन्द्रप्रज्ञप्ती एष पाठः पूर्ण एव विद्यते, तद्वत्तावपि पाठसंक्षेपः सुचितो नास्ति । सूर्यप्रज्ञप्तिवत्तो सेसं तं चेव' त्ति शेषं तदेव प्रागुक्तं वक्तव्यं तच्चेदं दसहिं छित्ता दसहि भागे हीरमाणे एस णं परिक्खेवविसेसे आहियत्ति व इज्जा' इति सूचितमस्ति । ६. वाताले (ग); वाणाले (घ); बायाले (व)