________________
तच्चं पाहुडं
जहा जंबुद्दीवपण्णत्तीए जाव' एवामेव सपुव्वावरेणं जंबुद्दीवे दोवे चोद्दससलिलासयसहस्सा छप्पण्णं च सलिलासहस्सा भवंतीति मक्खाता ।।
२. जंबुद्दीवे णं दीवे पंचचक्कभागसंठिते' आहितेति वएज्जा, ता कहं जंबुद्दीवे दीवे पंचचक्कभागसंठिते आहितेति वएज्जा ? ता जया णं एते दुवे सूरिया सब्वभंतरं मंडलं उवसंकमित्ता चारं चरंति तया णं जंबुद्दीवस्स दीवस्स तिण्णि पंचचक्कभागे ओभासंति उज्जोवेंति तवेंति पगासेंति, 'तं जहा" --एगेवि एगं दिवड्ढं पंचचक्कभागं ओभासति उज्जोवेति तवेति पगासेति, एगेवि एगं दिवढं पंचचक्कभागं ओभासति उज्जोवेति तवेति पगासेति, तया णं उत्तमकट्ठपत्ते उक्कोसए अट्ठारसमुहुत्ते दिवसे भवइ, जहप्णिया दुवालसमूहत्ता राती भवति । ता जया णं एते दुवे सूरिया सव्वबाहिरं मंडलं उवसंकमित्ता चारं चरंति तया णं जंबुद्दीवस्स दीवस्स दोण्णि चक्कभागे ओभासंति उज्जोवेंति तवेंति पगासेंति, तं जहा एगेवि सूरिए एग पंचचक्कवालभागं ओभासति उज्जोवेति तवेति पगासेति, एगेवि एगं पंचचक्कवालभागं ओभासति उज्जोवेति तवेति पगासेति, तया णं उत्तमकट्ठपत्ता उक्कोसिया अट्ठारसमुहुत्ता राती भवति, जहण्णए दुवालसमुहत्ते दिवसे भव॥
१. जं० शसे ६।२६। २. संठिता (ग,घ)। ३. वृत्तौ नास्ति व्याख्यातम् ।
४. एकोपि अपरोपि द्वितीयोपीत्यर्थः (सूव)। ५. द्वौ चक्रवालपञ्चमभागो (सूच)।
Jain Education International
For Private & Personal Use Only
www.jainelibrary.org
