Page Text
________________
पढ़मं पाहुडं (अट्ठमं पा०)
६०६
मंडलवता अडतालीसं एगट्ठिभागे जोयणस्स बाहल्लेणं, एगं जोयणसयसहस्सं छच्च अडयाले जोयणसए बावण्णं च एगट्ठिभागे जोयणस्स आयाम-विक्खंभेणं, तिणि जोयणसयसहस्साई अट्ठारस सहस्साइं दोणि य अउणासीते जोयणसए परिक्खेवेणं, दिवसराई तहेव' । एवं खलु एतेणुवाएणं पविसमाणे सूरिए तयाणंतराओ तयाणंतरं मंडलाओ मंडलं संकममाणेसंकममाणे पंच-पंच जोयणाई पणतीसं च एगट्ठिभागे जोयणस्स एगमेगे मंडले विक्खंभवुट्टि निवुड्ढे माणे-निवुड्ढेमाणे अट्ठारस जोयणाई परिरयवुड्डि निवुड्ढेमाणे-निवुड्ढेमाणे सव्वब्भतरं मंडलं उवसंकमित्ता चारं चरइ, ता जया णं सूरिए सव्वन्भंतरं मंडलं उवसंकमित्ता चारं चरइ, तया णं सा मंडलवता अडतालीसं एगट्ठिभागे जोयणस्स बाहल्लेणं, नवणउति जोयणसहस्साइं छच्च चत्ताले जोयणसए आयाम-विक्खंभेणं, तिष्णि जोयणसयसहस्साइंपण्णरस य सहस्साई अउणा उति' च जोयणाइं किंचिविसेसाहियाई परिक्खेवेणं. तया णं उत्तमकटुपत्ते उक्कोसए अट्ठारसमुहत्ते दिवसे भवइ, जण्णिया दुवालसमुहुत्ता राती भवति । एस दोच्चे छम्मासे एस णं दोच्चस्स छम्मासस्स पज्जवसाणे। एसणं आदिच्चे संवच्छरे, एस णं आदिच्चस्स संवच्छरस्स पज्जवसाणे । ता सव्वावि णं मंडलवता अडतालीसं एगट्रिभागे जोयणस्स बाहल्लेणं, सव्वावि णं मंडलंतरिया दो जोयणाई विक्खंभेणं, एस गं अद्धा तेसीयसयपडुप्पण्णो पंचदसुत्तरे जोयणसए आहिताति वएज्जा ।।
२८. ता अभिंतराओ मंडलवताओ बाहिरा मंडलवता, बाहिराओ वा मंडलवताओ अभिंतरा मंडलवता, एसणं अद्धा केवतियं आहितेति वएज्जा? ता पंचदसत्तरे जोयणसए आहितेति वएज्जा ॥
२६. अभिंतराए मंडलवताए बाहिरा मंडलवता, बाहिराए वा मंडलवताए अभिंतरा मंडलवता, एस णं अद्धा केवतियं आहितेति वएज्जा ? ता पंचदसुत्तरे जोयणसए अडतालीसं च एगट्टिभागे जोयणस्स आहितेति वएज्जा ।।
३०. ता अभंतराओ मंडलवताओ बाहिरा मंडलवता, बाहिराओ वा मंडलवताओ अब्भंतरा मंडलवता, एस f अद्धा केवतियं आहितेति वएज्जा ? ता पंचणवुत्तरे जोयणसए तेरस य एगद्विभागे जोयणस्स आहितेति वएज्जा ॥
३१. ता अभिंत राए मंडलवताए बाहिरा मंडलवता, बाहिराए वा मंडलवताए अभिंतरा मंडलवता, एस णं अद्धा केवतियं आहितेति वएज्जा ? ता पंचदसुत्तरे जोयणसए आहितेति वएज्जा।
१. ते चैवम्-तया णं अट्ठारसमुहत्ता राई भवइ २. अट्ठारस किंचूणाई (क) ।
चउहिं एगठ्ठिभागमुहुत्तेहिं ऊणा, दुवालस- ३. अउणाणउति (क,ट,व) । महत्ते दिवसे भवइ चउहि एगठ्ठिभागमूह- ४. चन्द्रप्रज्ञप्यादयोः सूत्रचतुष्कस्य (११२६-३२) तेहि महिए (सूव)!
पाठो भिन्नोस्ति । द्रष्टव्यं परिशिष्टम् ।
Jain Education International
For Private & Personal Use Only
www.jainelibrary.org
| SR No. | 003574 |
| Book Title | Agam 16 Upang 05 Surya Pragnapti Sutra Surpannatti Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 505 |
| Language | Prakrit |
| Classification | Book_Devnagari, Agam, Canon, & agam_suryapragnapti |
| File Size | 9 MB |