Agam 16 Upang 05 Surya Pragnapti Sutra Surpannatti Terapanth

SR No.: 003574
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 505
Language: Prakrit
Classification: Book_Devnagari, Agam, Canon, & agam_suryapragnapti
File Size: 9 MB

Page 84

६०७
पढम पाहुडं (अट्ठमं पा०) सव्वावि मंडलवता विसमचउक्कोणसंठिता पण्णत्ता-एगे एवमासु ४ एगे पुण एवमाहंसु-ता सव्वावि मंडलवता समचक्कवालसंठिता पण्णत्ता-एगे एवमाहंसु ५ एगे पुण एवमाहंसु-ता सव्वावि मंडलवता विसमचक्कवालसंठिता पण्णत्ता-एगे एवमाहंसु ६ एगे पुण एवमाहंसु-तासव्वावि मंडलवता चक्कद्धचक्कवालसंठिता पण्णत्ता-एगे एवमाहंसु ७ एगे पुण एवमाहंसु–ता सव्वावि मंडलवता छत्तागारसंठिता पण्णत्ता–एगे एवमाहंसु ८ तत्थ जेते एवमाहंसु-ता सव्वावि मंडलवता छत्तागारसंठिता पण्णत्ता, एतेणं नएणं नायन्वं, नो चेव णं इतरेहि, पाहुडगाहाओ भाणियव्वाओ।।
अट्ठमं पाहुडपाहुडं २६. ता सव्वावि णं मंडलवता केवतियं बाहल्लेणं, केवतियं आयाम-विक्खंभेणं, केवतियं परिक्खेवेणं अहिताति वएज्जा ? तत्थ खलु इमाओ तिण्णि पडिवत्तीओ पण्णत्ताओ। तत्थ एगे एवमाहंसु-ता सव्वावि णं मंडलवता जोयणं बाहल्लेणं, एगं जोयणसहस्सं एगं च तेत्तीसं जोयणसयं आयाम-विक्खंभेणं, तिणि जोयणसहस्साई तिण्णि य नवणउए जोयणसए परिक्खेवेणं पण्णत्ता' -एगे एवमाहंसु १ एगे पुण एवमाहंसु--ता सव्वावि णं मंडलवता जोयणं बाहल्लेणं, एमं जोयणसहस्सं एगं च चउतीसं जोयणसयं आयामविक्खंभेणं, तिण्णि जोयणसहस्साई चत्तारि बिउत्तरे जोयणसए परिक्खेवेणं पण्णत्ताएगे एवमाहंसु २ एगे पुण एवमाहंसु-ता सव्वावि णं मंडलवता जोयणं बाहल्लेणं, एगं जोयणसहस्सं एगं च पणतीसं जोयणसयं आयाम-विक्खंभेणं, तिण्णि जोयणसहस्साई चत्तारि य पंचुत्तरे जोयणसए परिवखेवेणं पण्णत्ता--एगे एवमाहंसु ३ वयं पुण एवं वयामो-ता सब्दावि णं मंडलवता अडतालीसं एगट्ठिभागे जोयणस्स बाहल्लेणं, अणियता आयाम-विक्खंभ-परिक्खेवेणं आहिताति वएज्जा।
२७. तत्थ णं को हेतूति वएज्जा ? ता अयण जंबुद्दीवे दीवे सव्वदीवसमुद्दाणं सव्वभंतराए जाव परिक्खेवेणं, ता जया णं सुरिए सव्वब्भंतरं मंडलं उवसंकमित्ता चारं चरइ तया णं सा मंडलवता अडतालीसं एगट्रिभागे जोयणस्स बाहल्लेणं, नवणउति जोयणसहस्साई छच्च चत्ताले जोयणसए आयाम-विक्खंभेणं, तिगिण जोयणसयसहस्साई पण्णरस य जोयणसहस्साई एगूणणउति जोयणाई किचि विसेसाहिए परिक्खेवेणं, तया णं उत्तमकट्टपत्ते उक्कोसए अट्ठारसमुहुत्ते दिवसे भवइ, जहणिया दुवालसमुहुत्ता राती भवति । से निक्खममाणे सूरिए नवं संवच्छरं अयमाणे पढमंसि अहोरत्तंसि अभिंतराणंतरं मंडलं उवसंकमित्ता चारं चरइ, ता जया णं सूरिए अभिंतराणंतरं मंडल उवसंकमित्ता चारं चरइ तया णं सा मंडलवता अडतालीसं एगट्ठिभागे जोयणस्स बाहल्लेणं, नवणउति जोयणसहस्साई छच्च पणयाले जोयणसए पणतीसं च एगट्ठिभागे जोयणस्स आयाम-विक्खंभेणं, तिण्णि जोयणसयसहस्साई पण्णरस य सहस्साई एगं च सत्तुत्तरं जोयणसयं किंचिविसेसूणं
१. माहितेति वएज्जा (ट); आहियाति दएज्जा (व)। २. आहितेति वएज्जा (य); आहियाति व एज्जा (व)।