Page Text
________________
पढमं पाहुडे ( पढमं पा० )
५३७
सव्वब्भंतराए' 'सव्वखुड्डाए वट्टे तेल्लापूयसंठाणसंठिए, वट्टे रहचक्कवालसंठाणसंठिए, वट्टे पुक्खरकण्णियासंठाणसंठिए, वट्टे पडिपुण्णचंदसंठाणसंठिए एगं जोयणसयसहस्सं आयामविक्खभेणं, तिणि जोयणसय सहस्साइं सोलस सहस्साइं दोणि य सत्तावीसे जोयणसए तिणि य कोसे अट्ठावीसं च धणुसयं तेरस अंगुलाई अर्द्धगुलं च किचि विसेसाहियं परिक्खेवेणं पण्णत्ते । ता जया णं सूरिए सव्वमंतरमंडलं उवसंकमित्ता चारं चरइ, तया णं उत्तमकट्ठपत्ते उक्कोसए अट्ठारसमुहत्ते दिवसे भवइ, जहण्णिया दुवालसमुहुत्ता राती भवति ।
से निक्खममाणे सूरिए नवं संवच्छर अयमाणे पढमंसि अहोरत्तंसि अभितरानंतर मंडलं उवसंकमित्ता चारं चरs, 'ता जया णं सूरिए अभितराणंतरं मंडल उवसंकमित्ता चारं चरइ", तया णं अट्ठारसमुहुत्ते दिवसे भवइ दोहिं एगट्टिभागमुहुत्तेहि ऊणे, दुवालसमुहुत्ता राती भवति दोहि एगट्टिभागमुहुत्तेहि अहिया । से निक्खमाणे सूरिए दोच्चंसि अहोरत्तंसि अभितरं तच्चं मंडल उवसंकमित्ता चारं चरइ, ता जया' णं सूरिए अभितरं तच्चं मंडलं उवसंकमित्ता चारं चरइ तया णं अट्ठारसमुहुत्ते दिवसे भवइ चहिं एट्टिभागमुहुत्तेहिं ऊणे, दुवालसमुहुत्ता राती भवति चउहि एगट्टिभाग मुहुत्तेहि अहिया । एवं खलु एएणं उवाएणं निक्खममाणे सूरिए तयागंतराओ' तयानंतर मंडलाओ मंडल संकममाणे संकममाणे दो-दो एगट्टिभागे मुहुत्तस्स" एगमेगे मंडले दिवसखेत्तस्स निवुड्ढेमाणे- निवुड्ढेमाणे रयणिखेत्तस्स अभिवुड्ढेमाणे- अभिवुड्ढेमाणे सव्वबाहिरमंडल उवसंकमित्ता चारं चरइ, ता जया णं सूरिए सव्वब्भंतराओ मंडलाओ सव्वबाहिरं मंडलं उवसंकमित्ता चारं चरइ तया णं सव्वब्भंतरमंडल पणिहाय एगेणं तेसीएणं राइदिसणं तिष्णछावट्ठे एगट्टिभागमुहुत्ते सए दिवसखेत्तस्स निवुड्डित्ता रयणिखेत्तस्स अभिवृडित्ता चारं चरई, तथा णं उत्तमकट्ठपत्ता उक्कोसिया अट्ठारसमुहुत्ता राती भवति, जहणए दुवालसमुहुत्ते दिवसे भवइ । एस गं पढमे छम्मासे, एस णं 'पढमस्स छम्मासस्स पज्जवसाणे |
से पविसमाणे सूरिए दोच्चं छम्मासं अयमाणे" पढमंसि अहोरत्तंसि बाहिरानंतर मंडलं उवसंकमित्ता चारं चरइ, ता जया णं सूरिए वाहिरानंतर मंडलं उवसंकमित्ता चारं चरइ तया णं अट्ठारसमुहुता राती भवति दोहि एगट्टिभागमुहुत्तेहिं ऊणा, दुवालसमुहुत्ते दिवसे भवइ दोहिं एट्टिभागमुहुत्ते हि अहिए । से पविसमाणे सुरिए दोच्चंसि अहोरत्तंसि बाहिरं तच्चं मंडल उवसंकमित्ता चारं चरइ, ता जया णं सूरिए बाहिरं तच्चं मंडल उवसंकमित्ता चारं चरइ तथा णं अट्ठारसमुहुत्ता राती भवति चउहिं एगट्टिभागमुहुत्तेहि ऊणा, दुवाल -
१. सं० पा० सव्वभंतराए जाव परिक्खेवेणं ।
२. अमीणे (क, ग, घ )
३. x (क, घ) 1
४. अधिया ( क ) ।
५. जदा (क,घ) 1
६. द्रष्टव्यम् -- जम्बूद्वीपप्रज्ञप्तेः ७७६९ सूत्रस्य
Jain Education International
पाठ: पाठान्तरं च ।
७. एगट्टिभागमुहुत्ते (क,ट,व) । तेसीतेणं (कट) ।
८.
६. पढमछम्मासस्स (क, ग, घ ) ।
१०. अयमीणे (क,व); अजमीणे ( ग, घ ) ।
For Private & Personal Use Only
www.jainelibrary.org
| SR No. | 003574 |
| Book Title | Agam 16 Upang 05 Surya Pragnapti Sutra Surpannatti Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 505 |
| Language | Prakrit |
| Classification | Book_Devnagari, Agam, Canon, & agam_suryapragnapti |
| File Size | 9 MB |