Agam 16 Upang 05 Surya Pragnapti Sutra Surpannatti Terapanth

SR No.: 003574
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 505
Language: Prakrit
Classification: Book_Devnagari, Agam, Canon, & agam_suryapragnapti
File Size: 9 MB

Page 136

दसमं पारडं (बावीसइमं पा०)
६५६
णक्खत्तेणं जोएति ? ता पुवाफग्गुणीहिं, पुवाफग्गुणीणं अट्ठावीसं मुहत्ता अद्वत्तीसं च बावट्ठिभागा मुहुत्तस्स बावट्ठिभागं च सत्तद्विधा छेत्ता दुबत्तीसं चुण्णिया भागा सेसा॥ _१५३. ता एतेसि णं पंचण्हं संवच्छराणं दोच्चं पुण्णिमासिणि चंदे केणं णक्खत्तेणं जोएति ? ता उत्तराहिं पोट्ठवयाहिं, उत्तराणं पोट्ठवयाणं सत्तावीसं मुहुत्ता चोद्दस य बावट्ठिभागे मुहुत्तस्स बावट्ठिभागं च सत्तद्विधा छेत्ता बाट्ठि चुण्णिया भागा सेसा । तं समयं च णं सूरे केणं णक्खत्तेणं जोएति ? ता उत्तराहिं फग्गुणीहि, उत्तराणं फग्गुणीणं सत्त मुहुता तेत्तीसं च बावट्ठिभागा मुहुत्तस्स बावट्ठिभागं च सत्तद्विधा छेत्ता एक्कतीसं चुणिया भागा सेसा ॥
१५४. ता एतेसि णं पंचण्हं संवच्छराणं तच्चं पुणिमासिणि चंदे केणं णक्खत्तेणं जोएति ? ता अस्सिणीहि, अस्सिणीणं एक्कवीसं मुहुत्ता णव य एगट्ठिभागा मुहत्तस्स बावटिठभागं च सत्तटिठधा छेत्ता तेवटिंठ चणिया भागा सेसा। तं समयं च सरे के णक्खत्तेणं जोएति ? ता चित्ताहि, चित्ताणं एकको मुत्तो अट्ठावीसं च बावट्ठिभागा मुहुत्तस्स बावट्ठिभागं च सत्तट्टिधा छेत्ता तीसं चुणिया भागा सेसा॥
१५५. ता एतेसि णं पंचण्हं संवच्छराणं दुवालसमं पुणिमासिणि चंदे केणं णक्खत्तेणं जोएति ? ता उत्तराहिं आसाढाहिं, उत्तराणं आसाढाणं छव्वीसं' मुहत्ता छब्बीसं च बावद्विभागा मुहत्तस्स बावट्ठिभागं च सत्तद्विधा छेत्ता चउप्पण्णं चुण्णियाभागा सेसा । तं समयं च णं सूरे केणं णक्खत्तेणं जोएति ? ता पुणब्वसुणा, पुणव्वसुस्स सोलस मुहुत्ता अट्ठ' य बावट्ठिभागा मुहुत्तस्स बावट्ठिभागं च सत्तट्ठिधा छेत्ता वीसं चुण्णिया भागा सेसा ॥
१५६. ता एतेसि णं पंचण्हं संवच्छराणं चरिम बाढि पुण्णिमासिणि चंदे केणं णक्खत्तेणं जोएति ? ता उत्तराहिं आसाढाहि, उत्तराणं आसाढाणं चरमसमए । तं समयं च णं सूरे केणं णक्खत्तेणं जोएति ? ता पुस्सेणं, पुस्सस्स एगूणवीसं मुहुत्ता तेयालीसं च बावट्ठिभागा मुहुत्तस्स बावट्ठिभागं च सत्तट्ठिधा छेत्ता तेत्तीस चुण्णिया भागा सेसा॥
१५७. ता एतेसि णं पंचण्हं संवच्छराणं पढम अमावासं चंदे केणं णक्खत्तेणं जोएति ? ता अस्सेसाहिं, अस्सेसाणं एक्के मुहुत्ते चत्तालीसं च बावट्ठिभागा मुहत्तस्स बावट्ठिभागं च सत्तद्विधा छेत्ता बावठ्ठि चुण्णिया भागा सेसा। तं समयं च णं सूरे केणं णक्खत्तेणं जोएति ? ता अस्सेसाहि' चेव, अस्सेसाणं' एक्को मुहत्तो चत्तालीसं च बावट्ठिभागा मुहत्तस्स बावट्ठिभागं च सत्तट्टिधा छेत्ता बावट्टि चुण्णिया भागा सेसा ॥
१५८. ता एतेसि णं पंचण्हं संवच्छराणं दोच्चं अमावासं चंदे केणं णक्खत्तेणं जोएति ? ता उत्तराहि फग्गुणीहिं, उत्तराणं फग्गुणीणं चत्तालीसं मुहुत्ता पणतीसं बावट्ठिभागा मुहुत्तस्स बावट्ठिभागं च सत्तट्ठिधा छेत्ता पण्णट्टि चुण्णिया भागा सेसा । तं समयं च १. छदुवीसं (ग,ध)।
३. असिलेसाहिं (ट)। २. अट्ठा (व)।
४. असिलेसाणं (ठ)।